24 قاڭتار, 10:36 1096 0 دەنساۋلىق اسەل انۋاربەك

كوروناۆيرۋس جۇقتىرعاندار سانى 630-دان استى

قىتايدا تاراعان كوروناۆيرۋستى جۇقتىرعاندار سانى ءسات سايىن ارتىپ بارادى. سوڭعى دەرەكتەرگە سەنسەك، ۆيرۋستىڭ بۇل ءتۇرىن جۇقتىرعاندار سانى 630-دان اسقان. ولاردىڭ 100-ءى اۋىر حالدە. كوروناۆيرۋستىڭ كەڭ تاراۋىنا بايلانىستى قىتاي استاناسى – بەيجىڭدە جاڭاجىلدىق شارالار وتكىزىلمەيتىن بولدى. ونىڭ ورنىنا بەيجىڭ بيلىگى اۋرۋدىڭ الدىن الۋ جۇمىستارىمەن اينالىسپاق.

قازىر بۇل اۋرۋدىڭ سەبەبىن انىقتاۋ ءۇشىن گەنەتيكالىق زەرتتەۋلەر جۇرگىزىلۋدە. عالىمداردىڭ بولجاۋىنشا، كوروناۆيرۋس كەسەلى جىلاننان تاراعان بولۋى مۇمكىن. ال ىندەت وشاعى – جارعاناتتار. مامانداردىڭ سوزىنشە، باۋىرمەن جورعالاۋشىلاردىڭ اعزاسىندا ۆيرۋستى اقۋىزدىڭ رەكومبيناتسياسى بولىپ، وسىدان كەيىن ول جىلاننان ادامعا جۇعا باستاعان.

قازاقستاننىڭ قىتايداعى ەلشىلىگى ازاماتتارعا ادام كوپ شوعىرلانعان جەرلەرگە بارماۋعا، جانۋارلار مەن بالىق ەتى قوسىلعان ازىق-تۇلىكتى قولدانباۋعا كەڭەس بەرىپ جاتىر.

سوڭعى جاڭالىقتار