23 قاڭتار 2020, 21:07 1277 0 ساياسات انار لەپەسوۆا

ەلباسى پرەزيدەنتتىڭ كومەكشىسىنە تاپسىرما بەردى

نۇرسۇلتان نازارباەۆ پرەزيدەنت كومەكشىسى – قاۋىپسىزدىك كەڭەسىنىڭ حاتشىسى اسەت يسەكەشەۆتى قابىلدادى دەپ حابارلايدى Elbasy.kz.

"قاۋىپسىزدىك كەڭەسى ەلدىڭ ىشىندە دە، ودان تىسقارى دا قاۋىپسىزدىك ماسەلەلەرىن تالدايتىن جانە قاراۋعا ۇسىناتىن وتە ماڭىزدى مەملەكەتتىك ورگان.  ونىڭ قۇزىرىنا قۇقىق قورعاۋ ورگاندارىنىڭ جۇمىسى، ازىق-تۇلىك قاۋىپسىزدىگىن قامتاماسىز ەتۋ، شەت ەلدەرمەن قارىم-قاتىناس جانە ەلدىڭ قورعانىس قابىلەتى سياقتى ماسەلەلەر كىرەدى. سونىمەن بىرگە، قۇقىق قورعاۋ جۇيەسىنىڭ رەفورماسىنا كوڭىل ءبولىپ، سوڭىنا دەيىن جەتكىزۋ ماڭىزدى، - دەدى نازارباەۆ.

ءوز كەزەگىندە اسەت يسەكەشەۆ ەلدەگى قازىرگى جاعداي تۋرالى بايانداپ، 2020 جىلعا ارنالعان جۇمىس جوسپارى تۋرالى اقپارات ۇسىندى.

كەزدەسۋ قورىتىندىسى بويىنشا قاۋىپسىزدىك كەڭەسىنىڭ توراعاسى بىرقاتار ناقتى تاپسىرما بەردى.

سوڭعى جاڭالىقتار