22 قاڭتار, 17:36 384 0 زاڭ انار لەپەسوۆا

بەينەباقىلاۋ كامەراسى جوق اقشا ايىرباستاۋ پۋنكتتەرى ايىپپۇل ارقالادى

قارۋلى كۇزەتى جوق جانە بەينە باقىلاۋ كامەرالارى جۇمىس ىستەمەيتىن اقشا ايىرباستاۋ پۋنكتتەرىنە ايىپپۇل سالىندى.

ۇلتتىق بانكتىڭ اقپاراتىنا سۇيەنسەك، جازاعا تارتىلعان اقشا ايىرباستاۋ پۋنكتەرىنىڭ يەلەرى قاۋىپسىزدىك ەرەجەلەرىن ساقتاماعان. كاسىپكەرلەر قارۋلى كۇزەت ورىندارىن قامتاماسىز ەتپەگەن، بەينە باقىلاۋ كامەرالارى جازبا جۇرگىزبەگەن. مۇنىڭ بارلىعى ۇلتتىق بانكتىڭ «مەملەكەتتىك رەتتەۋ تۋرالى» زاڭ اياسىندا جۇرگىزگەن تەكسەرۋى بارىسىندا انىقتالىپ وتىر. 2019 جىلدىڭ ەكىنشى جارتى جىلدىعىندا 2018 جىلدىڭ ءدال وسىنداي كەزەڭىمەن سالىستىرعاندا قوزعالعان اكىمشىلىك ىستەردىڭ سانى 2,4 ەسەگە ارتقان. 

بۇدان بولەك، ايىرباس پۋنكتتەرى كليەنتتەر ءۇشىن قاجەتتى اقپاراتتى كورنەكى جەردە ورنالاستىرماعانى بەلگىلى بولدى. ايىرباس وپەراتسيالارى جۋرنالدا كورسەتىلمەگەن. وزدەرىنىڭ جۇمىستارى تۋرالى ناقتى ەمەس ەسەپ جىبەرىپ وتىرعان. كەيبىر ايىرباس پۋنكتتەرى بىلىكتىلىك تالاپتارىنا ساي ەمەس. ولار قارۋلى كۇزەتسىز جۇمىس ىستەگەن. ال بەينە باقىلاۋ كامەرالارى جازبا جۇرگىزبەگەن. جالپى وتكەن جىلدىڭ ەكىنشى جارتىجىلدىعىندا 114 كەشەندى تەكسەرۋ جۇرگىزىلدى.

ونىڭ قورىتىندىسىندا اكىمشىلىك قۇقىق بۇزۋشىلىق تۋرالى 141 حاتتاما تولتىرىلدى. اتالعان زاڭ بۇزۋشىلىقتار الماتى، شىمكەنت قالالارىندا، شىعىس قازاقستان، اتىراۋ، قاراعاندى، پاۆلودار جانە باتىس قازاقستان وبلىستارىندا تىركەلگەن.

سوڭعى جاڭالىقتار