21 قاڭتار, 19:20 434 0 جاڭالىقتار اسىل تۇمار

كوبىنە 30-49 جاستاعى ەر ادامدار جوعالادى – 11 مىڭ ادامعا ىزدەۋ سالىنعان

سۋرەت عالامتوردان الىندى
سۋرەت عالامتوردان الىندى

باس پروكۋراتۋرا قۇقىقتىق ستاتيستيكا جانە ارنايى ەسەپكە الۋ كوميتەتىنىڭ حابارلاۋىنشا، حابار-وشارسىز جوعالعان 2 247 ادام ىزدەستىرىلۋدە.

«قازىرگى ۋاقىتتا 11 133 ادامعا ىزدەۋ سالىنعان، ونىڭ 2 247-ءسى حابار-وشارسىز جوعالعاندار: الماتى قالاسى (328), شىعىس قازاقستان (221), الماتى (309) جانە قاراعاندى وبلىستارىندا (221). كوبىنە ءتۇرلى جاعدايدا 30-49 جاس ارالىعىنداعى ەر ادامدار (76%) جوعالادى» دەلىنگەن رەسمي حابارلامادا.

كوميتەت مالىمەتىنشە، ۇيىنەن كەتىپ ورالماعاندار – 1723, اۆتوكولىكپەن جوعالعاندار – 74, جۇمىستان سوڭ جوعالىپ كەتكەندەر – 36.

«سونىمەن قاتار ەلىمىزدە تەرگەۋدەن جانە سوتتان جاسىرىنعان 2 453 ادامعا، ياعني ەڭ كوبى الاياقتىق (451), ۇرلىق جاساۋ (270) جانە كىسى ولتىرگەنى (166) ءۇشىن الماتى قالاسى (463), الماتى (245) جانە شىعىس قازاقستان وبلىستارىندا (203) ىزدەۋ سالىنعان. ولار نەگىزىنەن 31-40 جاس ارالىعىنداعى ەر ادامدار (89%)» دەلىنگەن كوميتەت اقپاراتىندا.

قازاقستاندا جوعالعان ازاماتتاردى قۇزىرلى ورگاندار بىرلەسىپ ىزدەيدى.

سوڭعى جاڭالىقتار