21 قاڭتار, 12:25 301 0 جاڭالىقتار اسىل تۇمار

قوعام قايراتكەرى كامال بۇرحانوۆ ومىردەن ءوتتى

سۋرەت عالامتوردان الىندى
سۋرەت عالامتوردان الىندى

مەملەكەت جانە قوعام قايراتكەرى كامال بۇرحانوۆ ومىردەن ءوتتى، – دەپ حابارلايدى «قازاقپارات».

قايعىلى حابار تۋرالى سەنات دەپۋتاتى مۇرات باقتيارۇلى Facebook-پاراقشاسىندا: «جالعان ءومىر-اي... ۇستازىم، دوسىم، ارىپتەسىم كامال بۇرحانوۆ دۇنيەدەن وزىپتى. سوڭعى ەكى جىل توسەك تارتىپ جاتىپ كالعان ەدى. ماعريپا جەڭگەم قولدان كەلگەنشە بارلىعىن جاسادى. امال نەشىك، ءبارى ءبىر جاراتقاننىڭ قولىندا. باقۇل بول ادال دوس. جانىڭ ءجانناتتا بولعاي كامال اعا!»، – دەپ جازدى.

ساياساتتانۋ عىلىمدارىنىڭ دوكتورى، پروفەسسور كامال نيزامۇلى 1954 جىلى دۇنيەگە كەلگەن. تاشكەنت ۋنيۆەرسيتەتىن، ماسكەۋ مەملەكەتتىك الەۋمەتتىك ۋنيۆەرسيتەتىن بىتىرگەن.

قر پرەزيدەنتى اكىمشىلىگىنىڭ باس ساراپشىسى، ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى قىزمەتتەرىن اتقاردى.

IV جانە V سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، حالىقارالىق ىستەر، قورعانىس جانە قاۋىپسىزدىك كوميتەتى، الەۋمەتتىك-مادەني دامۋ كوميتەتىنىڭ مۇشەسى بولدى.

40-تان استام عىلىمي جۇمىس جانە كوپتەگەن ەڭبەكتىڭ اۆتورى.

سوڭعى جاڭالىقتار