21 قاڭتار, 09:37 321 0 جاڭالىقتار اسىل تۇمار

پرەزيدەنت بولات باقاۋوۆتى وبلىس اكىمى قىزمەتىنەن بوساتتى

سۋرەت عالامتوردان الىندى
سۋرەت عالامتوردان الىندى

مەملەكەت باسشىسىنىڭ جارلىعىمەن بولات جۇمابەكۇلى باقاۋوۆ پاۆلودار وبلىسىنىڭ اكىمى قىزمەتىنەن بوساتىلدى، – دەپ جازدى اقوردا.

ەسكە سالايىق، قر ۇلتتىق قاۋىپسىزدىك كوميتەتى ب.باقاۋوۆقا قاتىستى لاۋازىمدىق وكىلەتتىگىن اسىرا پايدالانۋ فاكتىسى بويىنشا قىلمىستىق ءىس قوزعاعان بولاتىن. كەيىن، پاۆلوداردىڭ مامانداندىرىلعان تەرگەۋ سوتى ونى ەكى ايعا قاماۋعا الۋ تۋرالى بۇلتارتپاۋ شاراسىن سانكتسيالادى.

بولات باقاۋوۆقا قر قىلمىستىق كودەكسىنىڭ 362-بابى 4-بولىگى 3-تارماعى بويىنشا كۇدىك كەلتىرىلىپ وتىر. بۇل باپ مال-مۇلكىن تاركىلەي وتىرىپ، 5-تەن 10 جىلعا دەيىن باس بوستاندىعىنان ايىرۋدى، سونداي-اق قانداي دا ءبىر لاۋازىمدى اتقارۋ قۇقىعىن ءومىر بويىنا شەكتەۋدى قاراستىرادى.

پروكۋرور رۋستام سادۋاقاسوۆ سوتتان ايىپتالۋشىنى ەكى ايعا نەمەسە 16 ناۋرىزعا دەيىن قاماۋدا ۇستاۋدى سۇرادى. سەبەبى ەكس-اكىم بوستاندىقتا جازادان قاشىپ، بولماسا تەرگەۋ جۇمىستارىنا كەدەرگى كەلتىرۋى مۇمكىن. ءوز كەزەگىندە بولات باقاۋوۆ وزىنە تاعىلىپ وتىرعان ايىپپەن كەلىسپەيتىنىن ايتقان بولاتىن.

سوڭعى جاڭالىقتار