17 قاڭتار, 12:09 1184 0 جاھان انار لەپەسوۆا

پۋتين رەسەيدىڭ جاڭا پرەمەر-ءمينيسترىن تاعايىندادى

رەسەي پرەزيدەنتى ۆلاديمير ءپۋتيننىڭ جارلىعىمەن ميحايل ميشۋستين ەلدىڭ جاڭا پرەمەر-ءمينيسترى بولىپ تاعايىندالدى.

ال 15 قاڭتاردا وستاۆكاعا كەتكەن پرەمەر دميتري مەدۆەدەۆ قاۋىپسىزدىك كەڭەسى توراعاسىنىڭ ورىنباسارى بولىپ بەكىتىلگەن بۇل تۋرالى ازاتتىق راديوسى حابارلادى.

باسىلىم مالىمەتىنشە، رەسەي مەملەكەتتىك دۋماسى ءميشۋستيننىڭ كانديداتۋراسىن 16 قاڭتار كۇنى ماقۇلداعان.

جاڭا پرەمەر-ءمينيستردى قولداپ 383 دەپۋتات داۋىس بەرسە، 41 دەپۋتات قالىس قالعان. قارسى بولعاندار جوق.

دۋما توراعاسى ۆياچەسلاۆ ۆولودين بۇنداي رەسەي تاريحىندا ءبىرىنشى رەت تىركەلگەنىن، وسىعان دەيىن ۇكىمەت باسشىسىنىڭ كانديداتۋراسىنا قارسى داۋىس بەرگەندەر بولعانىن ايتتى.

ال رەسەي كوممۋنيستىك پارتياسىنان سايلانعان دەپۋتاتتار قالىس قالدى. قالعاندارى قولداعان.

ءوز كەزەگىندە دەپۋتاتتار الدىندا ءسوز سويلەگەن ميحايل ميشۋستين ءپۋتيننىڭ جولداۋىندا بەرگەن ۋادەلەرىن ورىنداۋعا كومەكتەسەتىنىن مالىمەگەن.

تەگتەر رەسەي ۇكىمەت

سوڭعى جاڭالىقتار