17 قاڭتار 2020, 10:29 2856 0 تۇلعا انار لەپەسوۆا

يمانعالي تاسماعامبەتوۆ ارىستانبەك مۇحامەديۇلىنىڭ اناسىنا قۇران باعىشتادى

يمانعالي تاسماعامبەتوۆ ارىستانبەك مۇحامەديۇلىنىڭ جۋىردا باقيلىق بولعان اناسىنىڭ باسىنا بارىپ، قۇران باعىشتادى.  بۇل تۋرالى ارىستانبەك مۇحامەديۇلى ءوزىنىڭ Instagram پاراقشاسىندا حابارلادى. 

"ەلىمىزدىڭ تۇعىرلى تۇلعاسى، دۇنيەجۇزىنە بەلگىلى قايراتكەر يمانعالي نۇرعاليۇلىنىڭ وسىنداي شىنايى ادامدىق قادامىنا قاراپ، ءوز حالقىنا دەگەن كىرشىكسىز سۇيىسپەنشىلىگىن، سەرىكتەس ارىپتەستەرىن ارقاشان شەكسىز قامقورلىققا بولەپ جۇرەتىن اسىل قاسيەتىن ۇلكەن ماقتانىشپەن ايتۋعا بولادى. يىعىما قولىن سالىپ تۇرىپ ايتقان: توقسانعا، مەيلى ءجۇز توقسانعا كەلسە دە، انانىڭ اتى – انا. ماڭدايىڭنان سيپاعان الاقانىنا بۇل جالعاندا ەشنارسە جەتپەيدى، – دەگەن جۇبانىش لەبىزى ورتايىپ قالعان كوڭىلگە ولشەۋسىز جىلۋ-قۋات بەردى",  دەپ جازىپتى ارىستانبەك مۇحامەديۇلى.

باعىشتاۋ

بۇعان قوسا، ارىستانبەك مۇحامەديۇلى كوڭىل ايتۋعا قازاقستان رەسپۋبليكاسىنىڭ ەڭبەك ەرى ءاسانالى ءاشىموۆ تە كەلگەنىن ايتتى.قازاقستان رەسپۋبليكاسىنىڭ ۇلتتىق مۇراجايىنىڭ ديرەكتورى اناسىنىڭ قازاسىنا بايلانىستى كوڭىل ايتىپ، قولداۋ بىلدىرگەندەرگە  العىس ءبىلدىردى.

سوڭعى جاڭالىقتار