16 قاڭتار, 18:41 350 0 زاڭ انار لەپەسوۆا

گونكونگ تۇرمەسىنە قامالعان قازاقستاندىق ستۋدەنت كەپىلدىكپەن بوساتىلدى

15 قاڭتار كۇنى گونكونگتىڭ اۋداندىق سوتىندا ابىلقايىر نۋكپيدى كەپىلدىكپەن شىعارۋ بويىنشا ءۇشىنشى سوت وتىرىسى ءوتتى. بۇل تۋرالى قر ءسىم ءباسپاسوز قىزمەت حابارلادى. 

ءا.نۋكپيدىڭ مۇددەسىن باپتيستىك ۋنيۆەرسيتەت ۇسىنعان ادۆوكات قورعادى. قورعاۋشى تاراپتىڭ دالەلدەرىن نازارعا الا وتىرىپ، سوت ءا.نۋكپيدى كەپىلدىكپەن بوساتۋ تۋرالى شەشىم قابىلدادى.

سوت شەشىمىنە سايكەس، ءا.نۋكپي 2020 جىلعى 26 اقپانعا بەلگىلەنگەن كەلەسى سوت وتىرىسىنا دەيىن اناسىمەن بىرگە باپتيستىك ۋنيۆەرسيتەتتىڭ كامپۋسىندا بولىپ، بەكىتىلگەن كومەندانتتىق ساعاتتى ساقتاۋعا مىندەتتى.

قر گونكونگتاعى باس كونسۋلدىعى ءا.نۋكپيدىڭ اناسىنا تولىق قولداۋ كورسەتىپ، ادۆوكاتتارمەن كەلىسسوزدەر جۇرگىزۋىنە، سوت وتىرىستارىنا قاتىسۋىنا جانە باسقا دا قاجەتتى كونسۋلدىق-قۇقىقتىق ماسەلەلەرىنە اتسالىسۋدا.

سوڭعى جاڭالىقتار