15 قاڭتار, 19:35 942 0 جاڭالىقتار اسىل تۇمار

11 ملن تەڭگە جىمقىرعان شەنەۋىك 2 جىلعا سوتتالدى

سۋرەت عالامتوردان الىندى
سۋرەت عالامتوردان الىندى

ورالداعى جەلاەۆ اۋىلدىق وكرۋگى اكىمى اپپاراتىنىڭ قارجى-ەكونوميكا ءبولىمىن باسقارۋشى گ.حابۋلوۆا بيۋدجەت قارجىسىن جىمقىرعانى ءۇشىن سوتتالدى.

باتىس قازاقستان وبلىسى بويىنشا ەكونوميكالىق تەرگەۋ دەپارتامەنتىنەن تۇسكەن مالىمەتكە سايكەس، گ.حابۋلوۆا 2013-2019 جىلدارى بۋحگالتەرلىك قۇجاتقا اتالعان مەملەكەتتىك مەكەمەنىڭ شارۋاشىلىق جانە قارجىلىق قىزمەتى تۋرالى كورىنەۋ جالعان مالىمەتتەر ەنگىزگەن، – دەپ جازدى قازاقپارات.

«كازناچەيستۆو كليەنت» اقپاراتتىق جۇيەسىندە ءوزىنىڭ ەلەكتروندى قولتاڭباسىن پايدالانا وتىرىپ، كارتوچكالىق شوتىنا ەڭبەك دەمالىسى جانە ەمدىك جاردەماقى تۇرىندەگى قاراجاتتى نەگىزسىز اۋدارعان. ءسويتىپ ول مەملەكەتكە 11 ملن 473,149 مىڭ تەڭگە زالال كەلتىرگەن. زالال تولىقتاي ءوندىرىلدى.

گ.حابۋلوۆا ورال قالالىق سوتىنىڭ ۇكىمىمەن قر قك 189-بابى 4-بولىگى 2-تارماعىنا (سەنiپ تاپسىرىلعان بوتەن مۇلiكتi يەمدەنۋ نەمەسە تالان-تاراجعا سالۋ) سايكەس ايىپتى دەپ تانىلىپ، مۇلكىن تاركىلەۋسىز ەكى جىلعا باس بوستاندىعىنان ايىرىلدى.

سوڭعى جاڭالىقتار