14 قاڭتار, 09:58 499 0 جاڭالىقتار اسىل تۇمار

جاڭا زاۋىت قۇرىلىسى تالقىلاندى – كولگىنوۆ 200 ادامدى جۇمىسپەن قامتۋعا ۋادە بەردى

نۇر-سۇلتان قالاسىنىڭ اكىمى التاي كولگىنوۆ وڭتۇستىك كورەياعا جۇمىس ساپارى اياسىندا Hyosung Heavy Industries كومپانياسىنىڭ باسشىلىعىمەن كەلىسسوز جۇرگىزدى.

ەلوردادا Alageum Electric كومپانياسىمەن بىرلەسكەن كاسىپورىن قۇرۋ ءىسى، اتاپ ايتقاندا، جوعارى ۆولتتى ەلەكتروتەحنيكالىق جابدىقتار شىعاراتىن زاۋىت قۇرىلىسى تالقىلاندى.

كولگىنوۆ زاماناۋي تەحنولوگيالى، جاڭعىرتىلعان ەلەگاز وقشاۋلاماسى بار تاراتۋ قۇرىلعىلارى ءىرى قالالاردا ورناتىلاتىنىن جانە شەكتەۋلى كەڭىستىكتەردە قاۋىپسىز ءارى تۇراقتى ەلەكتر قۋاتىن قامتاماسىز ەتۋ بويىنشا جاڭا قالالاردىڭ سۇرانىسىن قاناعاتتاندىراتىنىن اتاپ ءوتتى.

ونىڭ ايتۋىنشا، جوبا 200-دەن استام جاڭا جۇمىس ورنىن اشۋعا مۇمكىندىك بەرەدى.

"وتاندىق نارىقتىڭ ونىمدەرىن وزگە ەلدەرگە ەكسپورتتاۋ جوسپارلانۋدا. Hyosung Corporation كومپانياسى وڭتۇستىك كورەيانىڭ ءىرى حولدينگتەرىنىڭ ءبىرى. ول ەلەكتروتەحنيكالىق جابدىقتاردى وندىرۋگە، سونداي-اق حيميا، توقىما جانە مۇناي-حيميا ونەركاسىبىنە ماماندانعان. نەگىزگى قىزمەت ءتۇرى – گەنەراتورلار مەن ونەركاسىپتىك جابدىقتار، ترانسفورماتورلار جانە تاراتۋ جابدىقتارىن ءوندىرۋ جانە ساتۋ", – دەيدى اكىم.

سوڭعى جاڭالىقتار