13 قاڭتار, 14:48 353 0 ساياسات انار لەپەسوۆا

قر پرەزيدەنتى ومان سۇلتانىنا قۇتتىقتاۋ جولدادى

قاسىم-جومارت توقاەۆ وماننىڭ جاڭادان تاعايىندالعان سۇلتانى حايسام بەن تاريق ءال ءسايدتى قازاقستان حالقىنىڭ جانە ءوزىنىڭ اتىنان قۇتتىقتاپ، جەدەلحات جولدادى.   

بۇل تۋرالى اقوردانىڭ ءباسپاسوز قىزمەتى حابارلادى.

مەملەكەت باسشىسى ومان سۇلتاندىعىنىڭ ەكونوميكاسى قارقىندى دامىپ، حالقىنىڭ ءال-اۋقاتى ارتىپ وتىرعان مەملەكەت ەكەنىن ايتا كەلە، حايسام بەن تاريق ءال ءسايدتىڭ باسشىلىعىمەن وماننىڭ ودان ءارى وركەندەپ، مەرەيى وسە بەرەتىنىنە سەنىم ءبىلدىردى.

"ەكى ەل اراسىنداعى دوستىق پەن ءوزارا قولداۋعا نەگىزدەلگەن ىنتىماقتاستىقتى كەلەشەكتە دە حالىقتارىمىزدىڭ يگىلىگى ءۇشىن ءارى قاراي ورىستەتۋ ماقساتىندا سىزبەن بىرلەسە كۇش-جىگەر جۇمساۋعا دايىن ەكەنىمدى قۋاتتايمىن. ءسىزدىڭ اسا جاۋاپتى قىزمەتىڭىز بەن بارلىق يگى باستامالارىڭىزعا مول تابىس، ال دوستاس ومان حالقىنا ىرىس پەن قۇت-بەرەكە تىلەيمىن", - دەلىنگەن جەدەلحاتتا.

سوڭعى جاڭالىقتار