13 قاڭتار, 13:03 761 0 الەۋمەت انار لەپەسوۆا

1 ملن تەڭگەدەن استام بەرەشەگى بار: بالالارىنا اليمەنت تولەمەگەن قوستانايلىق ايەل جازالاندى

سۋرەت عالامتوردان الىندى
سۋرەت عالامتوردان الىندى

قوستاناي وبلىسىندا بالالارىنا اليمەنت تولەۋدەن جالتارعان د. ەسىمدى ايەل 300 ساعات قوعامدىق جۇمىسقا تارتىلدى. بۇل تۋرالى قوستاناي وبلىستىق پروكۋراتۋراسىنىڭ ءباسپاسوز قىزمەتى حابارلادى. 

وتكەن جىلى مەڭدىقارا اۋداندىق پروكۋراتۋراسى كامەلەت جاسىنا تولماعان بالالاردى اسىراۋ مىندەتىن ورىنداماعانى ءۇشىن 5 بورىشكەردى اكىمشىلىك جانە قىلمىستىق جاۋاپكەرشىلىككە تارتقان. ولاردان 100 000 تەڭگەدەن استام اليمەنت بەرەشەگى ءوندىرىلدى. سونىمەن قاتار اۋداندىق پروكۋراتۋرا اكىمدىكپەن بىرلەسىپ، 13 بورىشكەردى جۇمىسقا ورنالاستىردى

«مىسالى، قوستاناي وبلىسىنىڭ كامەلەتكە تولماعاندار بويىنشا اۋدانارالىق مامانداندىرىلعان سوتىنىڭ ۇكىمىمەن 1 ملن تەڭگەدەن استام بەرەشەگى بار ازاماتشا د. قر قىلمىستىق كودەكسىنىڭ 139-بابىمەن كىنالى دەپ تانىلىپ، 300 ساعات قوعامدىق جۇمىسقا تارتىلدى. ۇكىم زاڭدى كۇشىنە ەندى» دەلىنگەن تاراتىلعان اقپاراتتا.

 

سوڭعى جاڭالىقتار