12 قاڭتار, 09:10 536 0 سپورت انار لەپەسوۆا

"قايراتتان" كەتكەن ۇلتتىق قۇراما ويىنشىسى "قايسار" ساپىنا قوسىلدى

قازاقستاندىق بەلگىلى فۋتبولشى ەلدوس احمەتوۆ بيىل قىزىلوردانىڭ «قايسار» كومانداسىنىڭ نامىسىن قورعايدى. بۇل تۋرالى كلۋبتىڭ ءباسپاسوز قىزمەتى حابارلادى. 

ەلدوس احمەتوۆ 1990 جىلدىڭ 1 ماۋسىمىندا تاراز قالاسىندا دۇنيەگە كەلگەن. ۇلكەن فۋتبولداعى العاشقى قادامىن 2007 جىلى تۋعان قالاسىنداعى «جامبىل» كومانداسىندا باستاعان. ودان كەيىنگى جىلداردا تارازدىڭ وسشيوسد، «تاراز»، پاۆلوداردىڭ «ەرتىس»، ەلوردانىڭ «استانا»، الماتىنىڭ «قايرات» كلۋبتارىندا وتكىزگەن.

2012 جىلدان بەرى قازاقستان ۇلتتىق قۇراماسىندا ەل نامىسىن قورعاپ كەلەدى. «قايسار» كومانداسى بىلتىر قازاقستان كۋبوگىنا يە بولدى. بيىل ەۋروپا ليگاسىنا قاتىسادى. قازىرگى تاڭدا تۇركيادا وقۋ-جاتتىعۋ جيىنىن وتكىزىپ جۇرگەن قىزىلوردالىق كلۋبتىڭ سىناعىنا ءوز ەلىمىزدەن باعدات قايىروۆ، قۋانىش قالمۇراتوۆ، رەسەيدەن الەكسەي شۋمسكيح، ۋكراينادان ريزۆان ابليتاروۆ، موزامبيكتەن رەجينالدو فايفە، پورتۋگاليادان ناني، كابو-ۆەردە ەلىنەن ەلۆين فورتەس كەلدى.

«قايساردىڭ» العاشقى وقۋ-جاتتىعۋ جيىنى 3-27 اقپان ارالىعىندا وتكىزىلەدى. دايىندىق بارىسىندا ەكى جولداستىق كەزدەسۋ وتكىزۋ جوسپارلانعان.

سوڭعى جاڭالىقتار