9 قاڭتار, 08:38 499 0 الەۋمەت انار لەپەسوۆا

قاسكەلەڭدەگى جارىلىستان زارداپ شەككەن ەكىنشى ادام قايتىس بولدى

الماتى وبلىسىنداعى قاراساي اۋدانىنىڭ قاسكەلەڭ قالاسىندا بولعان جارىلىس سالدارىنان ەكىنشى ادام كوز جۇمدى.

«8 قاڭتار كۇنى كەشكى ساعات 17:00-دەر شاماسىندا اۋرۋحانادا 1939 جىلعى، ياعني 81 جاستاعى قارت كىسى كوز جۇمدى»، - دەپ مالىمدەدى قاراساي اۋدانى اكىمىنىڭ ءباسپاسوز قىزمەتى.

قاراساي اۋدانىنىڭ اكىمى جانداربەك دالاباەۆ زارداپ شەككەن تۇرعىندارمەن كەزدەسىپ، قال-جاعدايلارىن ءبىلدى. قازا بولعان وتباسىنا بارىپ كوڭىل ايتىپ، قايعىلارىنا ورتاقتاستى. قازىرگى تاڭدا زارداپ شەككەن وتباسىلارعا ۋاقىتشا باسپانا ۇسىنىلعان. ول شىعىنداردىڭ بارلىعىن اكىمدىك وتەپ بەرەتىنىن جەتكىزدى.

ەستەرىڭىزگە سالا كەتەيىك ، كەشە الماتى وبلىسىنىڭ قاراساي اۋدانىنا قاراستى قاسكەلەڭ قالاسىندا گاز اۋا قوسپاسى جارىلىپ، 7 ادام جاراقاتتاندى، ءبىر بالانىڭ وقيعا ورنىندا جان تاپسىرعانىن بۇعان دەيىن حابارلاعان بولاتىنبىز.

 

سوڭعى جاڭالىقتار