19 جەلتوقسان 2019, 13:20 708 0 زاڭ اسەل انۋاربەك

ۇندىلەردى ۇركىتكەن قانداي زاڭ؟

ءۇندىستان حالقىنان تى­نىشتىق كەتتى. ەل پرەمەر-ءمينيسترى نارەندرا مو­دي مۇسىلمان ەمەس يمميگ­رانت­تارعا ازاماتتىق بەرۋگە قاتىستى جاڭا زاڭعا نارازى­لىق بىلدىرۋشىلەردى سا­بىرعا شاقىرۋدا.

ءۇندىستاننىڭ دەلي، مۋمباي، حايداراباد، كالكۋتتا سىندى ءىرى قالالارىندا كو­تەرى­لىس ءوتىپ جاتقانىنا بىرنەشە كۇن بولدى. جەك­سەنبى كۇنى ەل استاناسىندا پو­ليتسەيلەر مەن كوتەرى­لىس­شى­لەر­دىڭ قاقتىعىسىنان 50 ادام زارداپ شەكتى. ەلدىڭ سولتۇستىك-شى­عى­سىنداعى اسسام شتاتىندا باستالعان كو­تەرى­لىس سالدارىنان وسى كەزگە دەيىن 6 ادام با­قي­لىق بول­دى.

دەسەك تە، كوشەگە شىعىپ، نا­رازىلىق ءبىل­دىرۋشىلەردىڭ سەبەپتەرى سان ءتۇرلى. ءما­سە­لەن، ءبىر توپ جاڭا زاڭ يسلام دىنىنە قارسى با­­عىتتالعان دەسە، كوتەرىلىس­شى­لەر­دىڭ ەكىنشى تو­بى اۋقىمدى يم­ميگراتسيادان قاۋىپتەنىپ وتىر. ەلدىڭ ۇكىمەت باسشىسى نا­رەندرا مودي بولسا الەۋمەت­تىك جەلىدە: «ءۇندىستاننىڭ ءبىر­دە-ءبىر تۇرعىنى جاڭا زاڭعا قاتىس­تى الاڭ­دا­ماي-اق قويسا بولادى. بۇل زاڭ ءۇندىستاننان باس­قا بارار جەرى جوق جانە جىلدار بويى ەل سىرتىندا تەنتىرەپ جۇرگەن­دەر­گە ارنالادى» دەگەن جازبا قال­دىردى.

ايتا كەتەيىك، بۇل زاڭ بانگلادەش، ءپا­كىستان جانە اۋعانس­تان­نان ۇندىستانعا زاڭدى تۇردە كەلگەن مۇسىلمان ەمەس جاندار­دىڭ ازاماتتىق الۋىنا ءمۇم­كىن­دىك بەرەدى. بيلىكتە­گىلەردىڭ ءتۇ­سىن­دىرۋىنشە، زاڭ جوباسى ءدىني قۋعىنداۋدان قاشقان ازاماتتاردى قولداۋعا باعىتتالعان. ال مۇ­سىلمان­دار ءۇندىستان تاراپىنان قورعاۋعا مۇقتاج ەمەس دەپ وتىر. الايدا زاڭدى سىناۋشىلار بۇل قۇجاتتىڭ زايىرلى مەم­لەكەت پرينتسيپتەرىنە قارا­ما-قايشى ەكەنىن العا تارتادى. كوتەرىلىس باستالعان اسسام شتا­تىن­داعى تۇر­عىنداردىڭ مۇڭى باسقا. ولار بانگلادەشتەن كەلىپ جاتقان زاڭسىز مۇسىلمان ەمەس ميگ­رانتتار نوپىرىنەن قاۋىپ­تەنۋ­دە. تۇرعىن­داردىڭ ايتۋىنشا، سىرتتان كەلگەندەر ولار­دىڭ جەرىن، جۇمىسىن تارتىپ الىپ، ۇلت­تىق مادەنيەتىنە نۇقسان كەلتىرۋى ىقتيمال.

ازىرگە ۇندىستانداعى بۇل جاع­دايدىڭ قاشان تۇراقتا­لا­تىنى بەلگىسىز. تەك پوليتسەيلەر قازىر دەليدەگى احۋالدى رەتتەۋگە بار كۇشىن سالۋدا. ويتكەنى ۇلىبري­تانيا، اقش جانە كانادا ەلدەرى قازىردىڭ وزىندە تۋريس­تەرىن ۇندىستانعا بارماۋعا شا­قىرۋدا. ال بۇل ءوز كەزەگىندە ءۇندىس­­تاننىڭ تۋ­ريزم سالاسىنا اي­تارلىقتاي كە­دەرگىسىن كەلتىرەتىنى ءسوزسىز.

تەگتەر ءۇندىستان

سوڭعى جاڭالىقتار