17 جەلتوقسان 2019, 18:14 1606 0 جاھان انار لەپەسوۆا

اتاقتى فرانتسۋز اكتريساسى توقاەۆتان كومەك سۇرادى

اتاقتى فرانتسۋز اكتريساسى بريجيت باردو پرەزيدەنت قاسىم-جومارت توقاەۆقا حات جازدى.

اكتريسا حاتىندا قازاقستاننىڭ جانۋارلارعا قاتىگەزدىكپەن قارايتىنىن ايتىپ شاعىمدانعان، دەپ حابارلايدى Tengrinews.kz.

«قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ مىرزا، سىزگە ەلىڭىزدەگى قاڭعىباس جانۋارلاردىڭ تاعدىرىنا دەگەن ايانىشىمدى ءبىلدىرۋ ءۇشىن حات جازىپ وتىرمىن. ءالى دە حاتتار كەلىپ جاتىر - يتتەر مەن مىسىقتار قىرىلىپ جاتىر. (...) مۇنداي قاتىگەزدىكتىڭ شەگى جوق سياقتى. مىسالى، اتىراۋ مەن ورال سياقتى قالالاردا جانۋارلاردى جانسىزداندىرىپ، سال ەتىپ، ورتەپ جاتىر. XXI عاسىردا وسىنداي ازاپتى قالاي عانا ەلەستەتۋگە بولادى؟ مۇنداي ارەكەت جاسايتىندار، اسىرەسە فرانتسيادا جانە الەمنىڭ باسقا ەلدەرىندە «ەسالاڭ ادام» دەپ سانالادى جانە ولار ۇزاق ۋاقىتقا تۇرمەگە قامالادى. پرەزيدەنت مىرزا، سىزدەن قاڭعىباس يتتەرگە نازار اۋدارۋىڭىزدى سۇرايمىن. زارارسىزداندىرىپ، ەلىڭىزدەگى جانۋارلاردى قورعايتىن ادامدارمەن جۇمىس ىستەپ، جانۋارلاردى قورعايتىن زاڭ ازىرلەۋدى سۇرايمىن. پرەزيدەنت مىرزا، مەن وسى ماسەلەنى شەشۋ ماقساتىندا قوردىڭ وكىلىن جىبەرە الامىن. ۇمىتپەن، بريجيت باردو»، – دەپ جازدى اكتريسا.

سوڭعى جاڭالىقتار