16 جەلتوقسان 2019, 13:08 856 0 جاھان انار لەپەسوۆا

ەردوعان اقش-قا سەس كورسەتتى

تۇركيا پرەزيدەنتى رەجەپ ەردوعان ەگەر قۇراما شتاتتار وزدەرىنە قاتىستى سانكتسيا ەنگىزەتىن بولسا، امەريكانى ينجيرليكتەگى اۋەبازاسىنا كىرگىزبەيتىنىن ايتتى، دەپ حابارلايدى ورتالىق ازيانىڭ جاڭالىقتار قىزمەتى. 

Haber تەلەكانالىنا بەرگەن سۇقباتىندا تۇركيا پرەزيدەنتى رەجەپ تايىپ ەردوعان اقش ءۇشىن ينجيرليك پەن كيۋرەجيكتەگى اۋە بازاسىن جابۋ مۇمكىندىگىن ايتتى.

اقش-تىڭ اسكەري بيۋدجەتىندە تۇركياعا قارسى سانكتسيا سالۋ قاراستىرىلعان. زاڭ جوباسىن تاياۋ ارادا كونرگەسس قابىلداۋى ءتيىس.

ونىڭ ۇستىنە اقش سەناتى ءبىرىنشى رەت وسمان يمپەرياسىنىڭ ارميانداردى قىرعانىن رەسمي مويىنداپ، گەنوتسيد دەپ اتادى.

ەردوعان سونىمەن بىرگە اقش-تا، رەسەي دە تۇركيا تەرروريستەر دەپ سانايتىن كۇرد اسكەرىن سيريانىڭ سولتۇستىگىنەن شىعارا المادى دەيدى. ول تەرروريزممەن تۇركيانىڭ ءوزى كۇرەسەدى دەدى.

تۇركيانىڭ كۇردتەر تۇراتىن سيريا اۋماعىنا ارنايى وپەراتسيا باستاۋىن ناتو سىنعا العان. بۇل جاعدايعا فرانتسيا پرەزيدەنتى ەممانۋەل ماكرون "ميدىڭ ءولۋى" دەپ باعا بەرگەن.

ينجيرليكتە اقش-تىڭ باستى ەمەس، قوسىمشا اسكەري ۇشاقتارى ورنالاسقان. بۇل تاياۋ شىعىستاعى اسكەرىنە كەرەكتى زاتتار جەتكىزۋ ءۇشىن باستى ءرول وينايدى.

تەگتەر تۇركيا اقش

سوڭعى جاڭالىقتار