16 جەلتوقسان 2019, 11:10 549 0 جاھان انار لەپەسوۆا

بۇكىلالەمدىك شاحمات كۇنى بەلگىلەندى

بىرىككەن ۇلتتار ۇيىمىنىڭ باس اسسامبلەياسى 20 شىلدەنى بۇكىلالەمدىك شاحمات كۇنى دەپ جاريالادى، دەپ حابارلايدى بۇۇ جاڭالىقتارى.

بۇل شەشىمگە قازاقستان، ارمەنيا، بەلارۋس، قىرعىزستان، رەسەي، تاجىكستان، تۇرىكمەنستان جانە وزبەكستان سەكىلدى بىرقاتار ەلدەردىڭ باستاماسى تۇرتكى بولدى.

شاحمات - ەڭ ەجەلگى ينتەللەكتۋالدى جانە مادەني ويىنداردىڭ ءبىرى سانالادى. وندا سپورت، عىلىمي وي جانە مادەنيەت ەلەمەنتتەرى ۇشتاسقان. وسىنى ەسكەرگەن بۇۇ باس اسسامبلەياسىنىڭ مۇشەلەرى بۇكىل الەم ەلدەرىنە الەمدىك شاحمات كۇنىن «ءتيىستى دەڭگەيدە» اتاپ ءوتۋدى ۇسىندى. بۇۇ باس اسسامبلەياسى جاڭا رەزوليۋتسياسىنىڭ اۆتورلارى بۇكىل الەم شاحمات وينايتىنىن ەرەكشە اتاپ ءوتتى. ول ادىلدىكتى، ينتەگراتسيا مەن ءوزارا سىيلاستىقتى كوككە كوتەرەدى، حالىقتار مەن مەملەكەتتەر اراسىنداعى توزىمدىلىك پەن ءوزارا تۇسىنىستىك اتموسفەراسىنىڭ قالىپتاسۋىنا ىقپال ەتەدى.

 

سوڭعى جاڭالىقتار