15 جەلتوقسان, 09:45 422 0 مادەنيەت انار لەپەسوۆا

اكتەرلەر قازاقستاندىقتاردى قۇتتىقتاۋ ءۇشىن 97 مەتر بيىكتىككە كوتەرىلدى

م.گوركي اتىنداعى مەملەكەتتىك اكادەميالىق ورىس دراما تەاترى تاۋەلسىزدىك كۇنىن مەرەكەلەۋ اياسىندا ەلوردامىزدىڭ باستى نىشانى – «بايتەرەك» مونۋمەنتى كەشەنىندە ادەبي-مۋزىكالىق قويىلىم كورسەتتى. 

اكتەرلار نۇر-سۇلتان قالاسىنىڭ تۇرعىندارى مەن قوناقتارىن كەلە جاتقان تاۋەلسىزدىك كۇنىمەن 97 مەتر بيىكتىكتەن قۇتتىقتادى. قويىلىم باعدارلاماسىنا ەلىمىزدە مەرەيتويلارى اتالىپ جاتقان قازاقتىڭ ۇلى تۇلعالارى اباي، ساكەن سەيفۋللين، ءىلياس جانسۇگىروۆ، بەيىمبەت ءمايليننىڭ شىعارمالارى ەندى.

كومپوزيتسيا رەجيسسەرلارى قر ەڭبەك سىڭىرگەن ءارتىسى بەكپۋلات پارمانوۆ جانە قر «مادەنيەت قايراتكەرى» ليۋدميلا كريۋچكوۆا اتاپ وتكەندەي، تەاتر رەپەرتۋارىنا جاڭادان قوسىلعان قويىلىم ستسەناريى مەرەكە قارساڭىندا قايتا قارالىپ، جاس اكتەرلاردىڭ ورىنداۋىنداعى پاتريوتتىق اندەرمەن تولىقتى.

«دايىندالعان شىعارمانى «بايتەرەك» كەشەنىنە كەلگەن بارلىق مەيماندار تەگىن تاماشالاي الدى. كورەرمەندەر قاتارىندا ەلورداعا مەرەكە قارساڭىندا كەلگەن الماتى، شىمكەنت، قوستاناي جانە قاراعاندى قالالارىنىڭ تۇرعىندارى. سونداي-اق، كومپوزيتسيا پولشا مەن بەلگيادان كەلگەن تۋريستەر ءۇشىن قازاق ادەبيەتىنىڭ ەكسكۋرسى رەتىندە ءوز پايداسىن تيگىزدى. شەتەلدىك مەيماندار ارتىستەردىڭ ونەرىنە ءتانتى بولىپ، اۆتورلاردىڭ شىعارمالارىنا قىزىعۋشىلىق ءبىلدىردى»، - دەدى تەاتردىڭ ءباسپاسوز قىزمەتىنەن.

 

سوڭعى جاڭالىقتار