14 جەلتوقسان, 16:05 446 0 جاڭالىقتار اسىل تۇمار

"مەن شارشادىم" – الينا زاگيتوۆا جارىستارعا قاتىسپايدى

سۋرەت عالامتوردان الىندى
سۋرەت عالامتوردان الىندى

وليمپيادا چەمپيونى، بەلگىلى فيگۋريست الينا زاگيتوۆا الداعى ۋاقىتتا وتەتىن دۇنيەجۇزىلىك جارىستارعا قاتىسپايدى. بۇل تۋرالى سپورتشى ءبىرىنشى ارنانىڭ "ۆرەميا" باعدارلاماسىنا بەرگەن سۇحباتىندا ايتتى. 

ءجۋرناليستىڭ "الينا، ۇلكەن سپورتتان كەتەمىن دەپ شەشتىڭ بە؟" دەگەن ساۋالىنا فيگۋريست: "الداعى ۋاقىتتا وتەتىن رەسەي، ەۋروپا جانە الەم چەمپيوناتىنا قاتىسپايمىن. قازىرگى ۋاقىتتا ءارتۇرلى مۇزدى شوۋلاردا ونەر كورسەتۋدى جوسپارلاپ جاتىرمىن", – دەپ جاۋاپ بەردى.

جاس سپورتشى سپورتتىق جارىستارعا قاتىسپاۋىنىڭ سەبەبىن "مەندە ءبارى بار. بىراق، شىعارماشىلىق شابىت جوق" دەپ ءتۇسىندىردى. بۇعان قوسا، كەز كەلگەن چەمپيوناتقا قاتىسۋ تەحنيكالىق، پسيحولوگيالىق ءارى مورالدىق تۇرعىدا كوپ دايىندىقتى تالاپ ەتەدى. "بۇل ۇزاق ءارى كۇردەلى جول. بۇل كۇنگە دەيىن قاتىسىپ كەلگەن ءاربىر جارىسىم وڭايعا تۇسكەن جوق. تاڭنان كەشكە دەيىنگى ۇزدىكسىز جاتتىعۋلار، تىنىمسىز ەڭبەك، مورالدىق كۇيزەلىس، ءبارى-ءبارى شارشاتادى. قازىر دەمالعىم كەلەدى", – دەيدى زاگيتوۆا.

الينا زاگيتوۆا سپورتتاعى باستى جاتتىقتىرۋشىسى ەتەري تۋتبەريدزەنىڭ كومانداسىمەن ارى قاراي دا جۇمىس ىستەي بەرەتىنىن ايتتى. الداعى ۋاقىتتا مانەرلەپ سىرعاناۋدىڭ جاڭا ءارى تىڭ تەحنيكالارىن مەڭگەرۋدى جوسپارلاپ جۇرگەنىن جەتكىزدى.

الينا ءوزىنىڭ سپورتتاعى جاتتىقتىرۋشىلارىن، رەسەيدەگى سپورت فەدەراتسياسىن جانە بارلىق جانكۇيەرلەرىنە العىسىن ءبىلدىردى.

سوڭعى جاڭالىقتار