14 جەلتوقسان, 10:35 386 0 جاڭالىقتار اسىل تۇمار

زەردەلi زەرتتەۋشi ەدى – ەلباسى

سۋرەت عالامتوردان الىندى
سۋرەت عالامتوردان الىندى

13 جەلتوقسان كۇنi aكادەميك سۇلتان سارتاەۆ ومiردەن وزدى.

بيىل 92 جاسقا تولعان ارداگەر ۇستاز، اتاقتى زاڭگەر، عالىم سۇلتان سارتايۇلى ەلiمiزدەگi كونستيتۋتسيانىڭ نەگiزiن قالاۋشىلاردىڭ بiرi. ول 1995 جىلى ەلiمiزدiڭ اتا زاڭىن دايىنداۋعا بەلسەندi ارالاستى. ونىڭ باستاۋىمەن كونستيتۋتسياعا قازاقستاننىڭ جەر جانە جەر قويناۋى، ۇلتتىق نىشاندارىنا بايلانىستى كوپتەگەن ماڭىزدى وزگەرiس ەنگiزiلدi.

سۇلتان سارتايۇلى سارتاەۆ - كەڭەس جانە قازاقستاندىق عالىم، زاڭ عىلىمدارىنىڭ دوكتورى، پروفەسسور، قازاقستان ۇلتتىق عىلىم اكادەمياسىنىڭ اكادەميگi, قازاقستان رەسپۋبليكاسىنىڭ ەڭبەك سiڭiرگەن عىلىم قايراتكەرi, قۇقىقتانۋ جانە حالىقارالىق قاتىناستار ينستيتۋتىنىڭ رەكتورى، قازاقستان زاڭگەرلەر قاۋىمداستىعىنىڭ ۆيتسە-پرەزيدەنتi.

سۇلتان سارتاەۆ 1927 جىلى 15 قازاندا دۇنيەگە كەلگەن. 1962 جىلى سۇلتان سارتايۇلى اۋىلداردا قازاق مەكتەبiن بiتiرگەندەر ءۇشiن زاڭ فاكۋلتەتiندە قازاق ءبولiمiن اشۋ ءۇشiن بارلىق كۇش-جiگەرiن جۇمساعان. ول بالالار ۇيiندە تاربيەلەنiپ جاتقان ستۋدەنتتەردi جاتاقحانامەن قامتاماسىز ەتۋ جانە شاكiرتاقى الۋعا، قازاق تiلiندەگi قابىرعا گازەتiن شىعارۋعا كومەكتەستi.

كەشە ەلباسى نۇرسۇلتان نازارباەۆ پروفەسسور س.سارتاەۆتىڭ قايتىس بولۋىنا بايلانىستى كوڭiل ايتۋ جەدەلحاتىن جولدادى. قازاقستاننىڭ تۇڭعىش پرەزيدەنتi عالىمنىڭ وتباسى مەن تۋعان-تۋىستارىنا جانە ارiپتەستەرiنە كوڭiل ايتتى.

«سۇلتان سارتايۇلى وتاندىق زاڭ جانە قۇقىقتانۋ سالاسىن دامىتۋعا ەلەۋلi ۇلەسiن قوسقان زەردەلi زەرتتەۋشi بولاتىن. ول مەملەكەت پەن قوعام iستەرiنە دە بەلسەنە ارالاسىپ، جاۋاپتى قىزمەتتەر اتقاردى. ۇنەمi ازاماتتىق ايقىن ۇستانىمىن تانىتىپ، قاجىرلى ەڭبەگiمەن ەلiمiزدiڭ ءوسiپ-وركەندەۋiنە اتسالىسىپ، كوپتiڭ سىي-قۇرمەتiنە بولەندi»، – دەلiندi جەدەلحاتتا.

سوڭعى جاڭالىقتار