13 جەلتوقسان, 20:05 436 0 جاڭالىقتار اسىل تۇمار

ۇكىمەت ازىق-تۇلىك باعاسىن تۇراقتاندىرۋعا قاۋقارسىز – دەپۋتات

سۋرەت عالامتوردان الىندى
سۋرەت عالامتوردان الىندى

جەلتوقسان ايىندا ازىق-تۇلىك باعاسى كۇرت قىمباتتاپ كەتتى كەتتى، – دەپ حابارلايدى Energyprom.kz. 

ماسەلەن، ءبىر ايدىڭ ىشىندە قىزاناق باعاسى – 23,1%، قيار – 20,1%، سارىمساق – 6,6%، قىزىلشا 1,9 پايىزعا قىمباتتاعان. جيدەكتەردىڭ ىشىندە اپەلسين (3,5%), بانان (2,3%) مەن الما (1,8%) قىمباتتادى. ءداندى-داقىلداردىڭ دا باعاسى ارزان ەمەس. قاراقۇمىق قۇنى 13 پايىزعا ءوستى. ءبىرىنشى سۇرىپتى ۇن  – 6%، جوعارى سۇرىپتى ۇننىڭ باعاسى 3,9 پايىزعا ءوستى. سايكەسىنشە نان ونىمدەرىنىڭ دە قۇنى ارتتى.

ءماجىلىس دەپۋتاتى ايقىن قوڭىروۆتىڭ پىكىرىنشە، ۇكىمەت ازىق-تۇلىك باعاسىن تۇراقتاندىرۋدا قاۋقارسىزدىق تانىتىپ، حالىقتىڭ مۇددەسىن قورعاي الماي وتىر. دەپۋتات ۇكىمەت ازىق-تۇلىك ينفلياتسياسىنىڭ الدىن الۋ ءۇشىن ۇلتتىق جوسپار جاساۋعا ءتيىس ەكەنىن العا تارتتى. اۋىل شارۋاشىلىعى ونىمدەرىن وندىرۋشىلەر جەمدى قانشاعا الاتىنا مەملەكەتتىك ورگاندار كوڭىل بولمەيدى. اۋىلدا پىشەننىڭ تونناسى 25-30 مىڭ تەڭگە تۇرادى. ال استىق قورى ەكسپورتقا شىعارىلاتىن تاۋارلىق استىققا قاراعاندا ء(بىر توننا استىق قالدىعىنا) 70 مىڭ تەڭگەگە قىمبات ساتىلادى. مۇنىڭ بارلىعى ديقاندار مەن جايىلىم جەرلەرى ءىرى استىق كومپانيالاردىڭ يەلىگىندە بولعاننىڭ ناتيجەسى. اكىمدىكتەر ۇلكەن فەرمالار مەن قۇس فابريكالارىمەن جۇمىس ىستەيدى. ولار ازىق-تۇلىك ونىمدەردىڭ باسىم بولىگىن قوسالقى شارۋاشىلىقتار وندىرەتىنىن ۇمىتىپ كەتەدى»،– دەدى ايقىن قوڭىروۆ.

ايتا كەتەيىك، بۇل ايدا اۋىل شارۋاشىلىعى ونىمدەرىنىڭ ىشىندە جۇمىرتقا – 6%، ءسۇت – 3%،  سارى ماي – 2,5%، قايماق 1,3 پايىزعا قىمباتتادى. قاراشامەن سالىستىرعاندا جىلقى ەتى  – 1,5%، سيىر باۋىرىنىڭ باعاسى 1,2 پايىزعا ءوستى.

سوڭعى جاڭالىقتار