13 جەلتوقسان, 17:14 3031 0 جاڭالىقتار اسىل تۇمار

"كولبين جوعالسىن!": بالاباقشاداعى ميتينگ ءۇشىن قانداي جازا بولماق؟ (ۆيدەو)

سۋرەت ۆيدەودان الىندى
سۋرەت ۆيدەودان الىندى

الماتى وبلىسىنداعى بالاباقشانىڭ بىرىندە بالاقايلار مەرەكەلىك قويىلىم قويعان، وندا بۇلدىرشىندەر «كولبين جوعالسىن!» («كولبين، دولوي!») دەگەن جازۋى بار پلاكات ۇستاپ، ميتينگ ۇيىمداستىرادى. بالالاردىڭ كەلەسى ءبىر توبى قولىنا ويىنشىق قارۋ ۇستاپ، ولاردى قۋا باستايدى.

دايىندىق بارىسىنان تۇسىرىلگەن ۆيدەو الەۋمەتتىك جەلىلەردە تارالىپ كەتكەن. كادردا قاراما-قارسى تىزىلگەن ەكى توپتى كورەمىز: ءبىرىنىڭ قولىندا ۇراندارى جازىلعان پلاكات، ولار تاربيەشىنىڭ نۇسقاۋىمەن «كولبين جوعالسىن!» دەپ ايقايلايدى، ال كەلەسى توپ قولىنداعى ويىنشىق قارۋمەن ولاردى قۋادى – بيلىك وكىلدەرى مەڭزەپ تۇرسا كەرەك.

دايىندىق 12 جەلتوقسان كۇنى بولعان، كەيىپكەرلەر – تالعار اۋدانى تالدىبۇلاق اۋىلىنا قاراستى «بالبۇلاق» باقشاسىنداعى «سۇڭقار» توبىنىڭ بالاقايلارى.

مەكتەپكە دەيىنگى تاربيە مەن وقىتۋدىڭ ۇلگىلىك وقۋ باعدارلاماسىنا سايكەس، مۇنداي مازمۇندا ءىس-شارا وتكىزۋگە تىيىم سالىنادى. قازىرگى ۋاقىتتا، اتالمىش بالاباقشانىڭ قۇرىلتايشىسى مەن ادىسكەرى تالعار اۋداندىق ءبىلىم باسقارماسىنا تۇسىندىرمە جۇمىستارىن وتكىزۋ ءۇشىن شاقىرتىلعان.

وبلىستىق ءبىلىم دەپارتامەنتىنىڭ باسشىسى داۋرەن ءجۇنىسوۆ مۇنداي جاعدايدىڭ قايتالانۋىنا جول بەرمەيتىنىن جانە وسىنداي باعىتتا ءىس-شارا وتكىزۋگە سەبەپكەر تۇلعالارعا قاتاڭ جازا قولداناتىنىن جەتكىزدى.

گەننادي كولبين – كەڭەستىك ساياساتكەر، قازاقستان كپ وك ءبىرىنشى حاتشىسى. كولبيننىڭ قىزمەتكە تاعايىندالۋى جاستار نارازىلىعىن تۋدىرىپ، 1986 جىلى جەلتوقساندا قارسىلىق شەرۋىنە شىعۋىنا سەبەپ بولدى. الماتى جاستارى قازىرگى رەسپۋبليكا الاڭىنا شىعىپ، باسقا باسشى تاعايىنداۋىن تالاپ ەتكەن.

;feature=emb_logo

 

سوڭعى جاڭالىقتار