13 جەلتوقسان, 18:10 497 0 جاڭالىقتار اسىل تۇمار

800 ملن جىمقىرعان قاشقىن ديرەكتور نەدەن قورقادى؟

سۋرەت عالامتوردان الىندى
سۋرەت عالامتوردان الىندى

«Astana Motorsports» كومانداسىنىڭ ديرەكتورى ارتۋر ارداۆيچۋس 800 ملن تەڭگە جىمقىرىپ، شەتەلگە قاشىپ كەتكەن. ول قارجىنى قازاقستاندىق جانە شەتەلدىك كومپانيالار ارقىلى قولما-قول اقشاعا اينالدىرىپ، ءوزى يەمدەنگەن.

قاشقىن ديرەكتور تۇسىنىكتەمە بەرۋ ءۇشىن قازاقستانعا كەلۋدەن باس تارتقان. ەلوردادا وتكەن بريفينگتە سىبايلاس جەمقورلىققا قارسى كۇرەس قىزمەتىنىڭ ەكىنشى دەپارتامەنت باسشىسى سەرگەي پەروۆ وسىلاي دەپ مالىمدەدى.

سىبايلاس جەمقورلىققا قارسى ءىس قيمىل اگەنتتىگى 2016-2017 جىلدارى قازاقستانداعى اۆتوسپورتتى دامىتۋعا بولىنگەن قاراجاتتى ۇرلاۋ بويىنشا تەرگەۋ جۇمىستارىن جۇرگىزۋدە.

«وقۋ-جاتتىعۋ جيىندارى مەن جارىستاردى وتكىزۋگە وتىنىمدەردى جوعارىلاتۋ جولىمەن «Astana Motorsports» كومانداسىنىڭ ديرەكتورى جانە كاپيتانى ارتۋر ارداۆيچۋس 800 ملن تەڭگەدەن استام قارجىنى جىمقىرعانى انىقتالدى»، – دەيدى سەرگەي پەروۆ.

«ارداۆيچۋس تۇسىنىكتەمە بەرۋ ءۇشىن بىرنەشە رەت شاقىرىلدى، الايدا شەتەلدە بولعاندىقتان كەلۋدەن باس تارتتى. وسى جايتتاردى جانە ارداۆيچۋس مىرزانىڭ قىلمىستىق قۇقىق بۇزۋشىلىق جاساعانىن كورسەتەتىن جەتكىلىكتى دالەلدەردى ەسكەرە وتىرىپ، وعان قاتىستى سىرتتاي «كۇزەتپەن ۇستاۋ» تۇرىندەگى بۇلتارتپاۋ شاراسىنا سانكتسيا بەرىلدى. حالىقارالىق ىزدەۋگە جاريالاۋ تۋرالى ماتەريالدار سوتقا جىبەرىلدى»، – دەيدى پەروۆ.

سونداي-اق، دەپارتامەنت باسشىسى تەرگەۋ امالدارى ارقىلى ۇرلانعان قارجىنىڭ ناقتى سوماسى ءالى دە انىقتالىپ جاتقانىن ايتتى.

aikyn.kz

سوڭعى جاڭالىقتار