13 جەلتوقسان, 15:30 553 0 جاڭالىقتار اسىل تۇمار

ديماش قاشان ۇيلەنەدى؟

سۋرەت عالامتوردان الىندى
سۋرەت عالامتوردان الىندى

ەلىمىزدەگى ءباسپاسوز قۇرالدارىنىڭ بىرىنە بەرگەن سۇحباتىنىندا ديماشتىڭ ۇيلەنۋ تويى ءسوز بولدى.

نيۋ-يوركتەگى كونتسەرتتەن سوڭ، ديماش قۇدايبەرگەننىڭ اكەسى ۇلىنىڭ الداعى جوسپارى جايىندا ايتتى.

«ول جاس جىگىت. قۇداي قالاسا، ۇيلەنەدى. ءبىراز كۇتە تۇرىڭىزدار. ءبىر كۇنى بۇل دا بولادى» دەدى ديماش قۇدايبەرگەننىڭ اكەسى. ال جانكۇيەرلەرى ءالى كۇنگە ءانشىنىڭ سۇيىكتىسى بار-جوعىنا باس قاتىرادى.

وسىعان دەيىن باق-تا ايگىلى ءانشىنىڭ سۇيىكتىسى جايىندا مالىمەت تاراعان. ديماشتىڭ جۇرەگىن جاۋلاعان ارۋ – نۇرساۋلە اۋباكىروۆا. ول قازاق ۇلتتىق ونەر ۋنيۆەرسيتەتىندە «كينو جانە تۆ رەجيسسۋراسى مەن پروديۋسەرلىگى» ماماندىعى بويىنشا ءبىلىم العان. ديماش پەن نۇرساۋلە ۋنيۆەرسيتەت قابىرعاسىندا كوڭىل جاراستىرعانىن Adyrna.kz جازعان ەدى. اكتريسا «تاعى دا ءسۇي» تەلەحيكاياسىنا، «اينا عۇمىر» درامالىق سەريالى مەن «قازىنا» قىسقامەترلى فيلمىنە تۇسكەن.

ءوزىن تاسادا ۇستاعاندى ءجون كورەتىن ارۋ Instagram-داعى پاراقشاسىن بۇعاتتاپ قويعان. ءانشى مەن اكتريسا ءدۇيىم جۇرتقا جۇپ ەكەنىن رەسمي تۇردە جاريالاعان جوق. بىراق اۋباكىروۆا Massaget پورتالىنا بەرگەن سۇحباتىندا «ءوز باسىم ومىردە ءبىر-اق رەت سۇيگەن اداممىن، تاعى دا ءسۇيىپ كورمەگەنمىن» دەگەن. نۇرساۋلەنىڭ كىمدى تۇسپالداپ تۇرعانى بەلگىلى شىعار...

aikyn.kz

سوڭعى جاڭالىقتار