12 جەلتوقسان, 10:30 430 0 قاۋىپسىزدىك Túrkistan Gazeti

زاڭسىز كوشى-قونمەن كۇرەس

پارلامەنت ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كوشى-قون پروتسەستەرىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى.

شەتەلدىك جۇمىس كۇشىن تارتۋ ءراسىمى مەن زاڭسىز كوشى-قوننىڭ جولىن كەسۋگە قاتىستى زاڭ جوباسىنداعى ۇسىنىستارمەن ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ تانىستىردى.

– سىرتقى ەڭبەك كوشى-قون سالاسىنا قاتىستى وزگەرىستەرگە توقتالساق، بىرىنشىدەن، شەتەلدىك جۇمىس كۇشىن تارتۋ ءراسىمىن جەتىلدىرۋ ماقساتىندا شەتەلدىك جۇمىس كۇشىن تارتۋعا رۇقساتتىڭ ارەكەتىن باسقا اكىمشىلىك اۋماقتىق بىرلىكتەرگە تاراتۋ كوزدەلەدى. بۇل جەردە ول ەكى ايماققا العان رۇقساتتاما ءۇشىن سول ەكى  اۋماققا دا سالىق الىمىن تولەۋگە مىندەتتى بولادى. ەكىنشىدەن، شەتەلدىك  جۇمىس تارتۋعا كۆوتانى ەكونوميكالىق قىزمەت تۇرلەرىنە بولمەي،  قىزمەتكەرلەر ساناتىن كاتەگوريالار بولىنىسىندە بەلگىلەۋ ۇسىنىلادى. سونىمەن  قاتار ەڭبەك نارىعىنداعى قاجەتتىلىگىنە جەدەل دەن قويۋ ءۇشىن ۇكىمەتتىڭ شەتەلدىك جۇمىس كۇشىن تارتۋعا ارنالعان كۆوتانى بەلگىلەۋ جونىندەگى فۋنكتسيالارىن حالىقتى جۇمىسپەن قامتۋ ماسەلەلەرى جونىندەگى ۋاكىلەتتى ورگانعا، ياعني ەڭبەك مينيسترلىگىنە بەرۋ ۇسىنىلادى، – دەدى مينيستر.

مينيستر كوشى-قون پروتسەستەرى سالاسىنداعى قۇقىقتىق بازانى كەڭەيتۋ جانە زاڭسىز كوشى-قوننىڭ جولىن كەسۋ ماقساتىنداعى قادامدار جايىندا دا ءسوز قوزعادى. سونداي-اق زاڭنامادا شەتەلدىكتەر ءۇشىن تۇراقتى تۇرۋعا رۇقسات بەرۋ ءۇشىن 4 اەك مولشەرىندە مەملەكەتتىك باجدى ەنگىزۋ ەسكەرىلگەن.

سوڭعى جاڭالىقتار