12 جەلتوقسان, 07:58 461 0 ءوندىرىس اسەل انۋاربەك

تمد-دا تەڭدەسى جوق ءونىم

ەلىمىزدە تمد-دا تەڭدەسى جوق قالدىقتاردان ەنەرگيا ۇنەمدەيتىن ءونىم پايدا بولدى. Save Energy وتاندىق كومپانياسى ەنەرگيانى ۇنەمدەۋ جانە عيماراتتاردى جىلىتۋ ءۇشىن قازاقستاندىق شيكىزات پەن قالدىقتاردان جاسالعان امبەباپ ءونىمدى ۇسىندى.

اتالعان جوعارى تەحنولوگيالىق جو­با «ءونىمدى يننوۆاتسيالاردى ىنتالاندىرۋ» جوباسى اياسىندا دۇنيەجۇزىلىك بانك پەن قازاقستان ۇكىمەتى جەلىسى بويىنشا گرانتتى جەڭىپ الدى، بۇل كومپانياعا تۇراقتى وندىرىسكە شىعۋعا مۇمكىندىك بەردى. Save Energy ۆاكۋمدىق وقشاۋلاۋ پا­نەلىنىڭ جوباسى بويىنشا عىلىمي كەڭەسشى ەلجان ورىنبەكوۆ اتالعان ءونىم­نىڭ بىرەگەيلىگى تۋرالى ايتىپ بەردى.

– پانەل تەك قازاقستاندا عانا ەمەس، ءبۇ­كىل الەمدە قاجەت سيپاتتامالارعا يە. ءبىر ماتەريالدا بىرنەشە قاسيەت بار: گيدرويزولياتسيا، شۋدان وقشاۋلاۋ، وتقا توزىمدىلىك، جىلىتۋ، ەنەرگيا ۇنەمدەۋ. ياعني، بىرەۋىندە بەسەۋ. يننوۆاتسيالىق ءونىم جىلۋ وقشاۋلاۋى بويىنشا باسقا قۇرىلىس ماتەريالدارىمەن سالىستىر­عان­دا 6 ەسە جوعارى، ورناتۋى وڭاي، بىراق ەڭ باستىسى، بۇل ەكولوگيالىق تازا، ويتكەنى ءبىز جىلۋ وقشاۋلاۋ پانەلىنىڭ قۇرامىن مۇقيات تاڭدادىق، – دەيدى ەلجان ورىنبەكوۆ.

بۇل تەك قازاقستاندا عانا ەمەس، سونىمەن قاتار بارلىق تمد ەلدەرىندە تەڭدەسى جوق ماتەريال. سونداي-اق وتاندىق ءازىر­لەۋشىلەر ۇسىناتىن ءونىم 100 پايىز قا­زاقستاندىق. ونى ءوندىرۋ ءۇشىن جەرگىلىكتى شيكىزات قانا ەمەس، قالدىقتار دا پايدالانىلادى.

– ءبىزدىڭ جوبا الماتىدا وتكەن باي­قاۋ­دا «جىلدىڭ ۇزدىك ءونىمى» اتالىمىندا جەڭىسكە جەتتى. ءونىم قۇنى بويىنشا ستان­دارتتى جىلۋ وقشاۋلاعىش ماتەريالداردان 30 پايىزعا قىمبات، بىراق بار­لىق بەس سيپاتتامانى ەسكەرە وتىرىپ، ونىڭ وزىندىك قۇنى ستاندارتتى ماتە­ريال­دارعا قاراعاندا 45 پايىزعا تومەن. ءونىمنىڭ وت­قا توزىمدىلىگى دە ماڭىزدى، ءويت­كەنى قازىر بۇل – قۇرىلىس ماتەريالدا­رىنا قويى­لا­تىن نەگىزگى تالاپ، – دەپ اتاپ ءوتتى كەڭەسشى.

 

سوڭعى جاڭالىقتار