11 جەلتوقسان, 17:38 472 0 جاھان انار لەپەسوۆا

“VPN”، “ەپيتەت”، "تاقتار تالاسى": قازاقستاندىقتار Google-دان قانداي دەرەكتى كوپ ىزدەدى؟

بيىل قازاقستاندىقتار جەلىدەن قانداي دەرەكتى كوپ ىزدەدى؟  Google كومپانياسى جىلدىڭ قورىتىندىسىن ۇسىندى. 

ستاتيستيكالىق مالىمەتتەرگە سايكەس، قازاقستان تۇرعىندارى اراسىندا "تاقتار تالاسى" تەلەحياكاسىنىڭ 8-ماۋسىمى جوعارى سۇرانىسقا يە بولعان. ءدال وسى تۋىندىنى قازاقستاندىقتار كوپ ىزدەگەن.

سونداي-اق، توپ-10 قاتارىنا قازاقشا-ورىسشا اۋدارما، كونتينەنتالدى حوككەي ليگاسى، "كەك الۋشىلاردىڭ" سوڭعى ءبولىمى، "ۆەترەنىي" تەلەحيكاياسى جانە "يپ پيروگوۆا" كىرگەن.

قازاقستاندىق جەلى قولدانۋشىلارى ىزدەگەن ادامدار اراسىندا، يۋليا ناچالوۆا، قاسىم-جومارت توقاەۆ، نۇرسۇلتان نازارباەۆ، ۆلاديمير زەلەنسكي، جانار حاميتوۆا، دەتسل، ءامىرجان قوسانوۆ، اللا ۆەربەر مەن بيللي ايليش بار.

ال كينفيلمدەر اراسىندا "كەك الۋشىلار. فينال", "ارىستان پاتشا" جانە "دجوكەر" تانىمالدىلىققا يە بولعان. ودان بولەك، ەل تۇرعىندارى "اكۆامەن", "كاك پريرۋچيت دراكونا 3", "ونو 2" جانە "كاپيتان مارۆەل" سىندى لەنتالارعا قىزىعۋشىلىق تانىتقان.

ۇزدىك تەلەحيكايالار قاتارىنا “ۆەترەنىي”، “جەستوكي ستامبۋل”، “ليۋبوۆ ناپوكاز”، “چەرنوبىل”، “يپ پيروگوۆا”، "وسترىە كوزىركي" تۋىندىلارى ەنگەن.

"...دەگەنىمىز نە؟" دەگەن ساۋال قويۋ بارىسىندا قازاقستاندىقتار قۇياڭ تۋرالى بىلگىسى كەلگەن. سونىمەن قاتار “VPN” مەن “ەپيتەتتى” كوپ ىزدەگەن. ودان بولەك، جەلىدەگىلەردى سنيۋس، حوببي، كەيىپتەۋ، انيميزم، پوستەر، ۇيقى سال اۋرۋى جانە جاساندى ينتەللەكت دەگەن ۇعىمدار قىزىقتىرعان.

سونداي-اق، قازاقستاندىقتاردىڭ كوبىسى ينتەرنەت ارقىلى ساۋدا جاساعان. تەمىر جول بيلەتى، FlyArystan اۋە كومپانياسىنىڭ اۋە بيلەتتەرى، كينوعا جانە "ميۋ-استانا" ماتچىنا بيلەتتەر - كوپ ىزدەلگەندەر قاتارىنا كىرگەن.

سوڭعى جاڭالىقتار