11 جەلتوقسان, 14:05 380 0 جاڭالىقتار اسىل تۇمار

مەرەكە قارساڭىندا قوسىمشا پويىزدار جولعا شىعادى

ەلىمىزدە جەلتوقسان مەرەكەلەرى قارساڭىندا (تاۋەلسىزدىك كۇنى، جاڭا جىل) قوسىمشا پويىزدار جولعا شىعادى. بۇل تۋرالى «جولاۋشىلار تاسىمالى» اق ءباسپاسوز قىزمەتى حابارلادى.

ناقتىراق ايتقاندا، مەرەكە كۇندەرى ەكى باعىت بويىنشا قوسىمشا ەلەكتر پويىزدارىن ىسكە قوسىلادى، ولار:
• №6803/6804 «نۇر-سۇلتان-اتباسار» باعىتى بويىنشا 2019 جىدىڭ 17 جانە 31 جەلتوقسان جانە 2020 جىلدىڭ 7 قاڭتار كۇندەرى;
• №7502/7501 «نۇر-سۇلتان-پاۆلودار» باعىتى بويىنشا 2019 جىلدىڭ 14 جانە 28 جەلتوقسان جانە 2020 جىلدىڭ 4 قاڭتار كۇندەرى;
• №7510/7509 «نۇر-سۇلتان-پاۆلودار» باعىتى بويىنشا 2019 جىلدىڭ 13, 15, 17, 30 جانە 31 جەلتوقسان جانە 2020 جىلدىڭ 3, 4, 7 قاڭتار كۇندەرى.

سونىمەن قاتار، «الماتى-ءنوۆوسىبىر» باعىتىنداعى №301/302 جولاۋشىلار پويىزى ءبىر رەتتىك ساپارعا شىعادى. الماتىدان 2020 جىلدىڭ 2 قاڭتارىندا، ال كەرى باعىتتا ءنوۆوسىبىر قالاسىنان 4 قاڭتار كۇنى.

ايتا كەتەيىك، بۇعان دەيىن «جولاۋشىلار تاسىمالى» اق مەرەكە كۇندەرىنە وراي ءتورت باعىت بويىنشا («الماتى-2-شىمكەنت»، «الماتى-2-تۇركىستان»، «ماڭعىستاۋ-بەينەۋ»، «نۇر-سۇلتان-شۋ») قوسىمشا پويىزداردى ىسكە قوسقان بولاتىن.

پويىزداردىڭ قوزعالىس كەستەسى جونىندە تولىق اقپاراتتى 105 بىرىڭعاي انىقتاما قىزمەتى ارقىلى بىلۋگە بولادى (ستاتسيونارلىق تەلەفوننان قوڭىراۋ شالۋ تەگىن).

سوڭعى جاڭالىقتار