11 جەلتوقسان, 13:30 495 0 جاڭالىقتار اسىل تۇمار

جاڭادان سالىنعان ءۇي قۇلاعالى تۇر

الماتىداعى «زەردەلى-6» (بۇرىنعى «العاباس») ىقشاماۋدانىنداعى №179 ءۇيدىڭ تۇرعىندارى كوپقاباتتى ءۇيدىڭ قيسايىپ بارا جاتقانىن ايتادى. بۇل تۋرالى Tengrinews.kz حابارلادى.

تۇرعىندار قالا اكىمدىگىنە حات جازعان. تۇرعىن دانيار مۇحامەتوۆ 8 جەلتوقساندا ءۇيدىڭ قيسايا باستاعانىن بايقاعانىن ايتادى. «كورشى ۇيمەن سالىستىرعاندا، ءبىزدىڭ ءۇي قيسايىپ جاتىر. تۇرعىندار، كورشىلەر بارلىعى شاعىمدانا باستادى. ەسىكتى جابۋ دا قيىنداپ كەتتى. كەشە تج قىزمەتكەرلەرىن، اكىمدىكتەگىلەردى شاقىردىق، ءۇيدى قاراپ كەتتى»، – دەيدى دانيار.

بۇل ءۇي «قولجەتىمدى باسپانا» مەملەكەتتىك باعدارلاماسى بويىنشا 2013 جىلى پايدالانۋعا بەرىلگەن.

№179 ۇيدە بارلىعى 72 پاتەر بار.

بۇعان دەيىن 2016 جىلى «العاباس» ىقشاماۋداندارىنىڭ تۇرعىندارى كوپقاباتتى ءۇيدىڭ قيسايعانىن ايتقاندا، ءۇيدىڭ تۇرعىندارى ەۆاكۋاتسيالانعان بولاتىن.

سۋرەت دەرەككوزدەن الىندى. 

سوڭعى جاڭالىقتار