11 جەلتوقسان, 09:03 370 0 جاڭالىقتار اسىل تۇمار

وتاندىق عالىمدار يتبالىقتاردى عارىشتان باقىلايدى

بۇدان بىلاي عالىمدار كاسپي تەڭىزىندەگى يتبالىقتاردىڭ تىنىس-تىرشىلىگى مەن ميگراتسيالىق ءورىسىن ۇدايى سپۋتنيك ارقىلى باقىلاپ وتىرادى. بۇل ءۇشىن بالىقتارعا ارنايى ميكروچيپ تاعىلادى.

ەلىمىزدە سانى ازايىپ بارا جاتقان يتبالىق كاسپي تەڭىزىندە عانا كەزدەسەدى. وسىعان وراي يحتيولوگ-عالىمدار جاڭا تەحنولوگيانىڭ كومەگىمەن بالىقتاردى ءجىتى زەرتتەيتىن بولادى. سپۋتنيكتىك باقىلاۋعا ارنالعان ميكرو قوندىرعى 9 ەرەسەك يتبالىققا تاعىلدى. تەڭىز بيورەسۋرسىن زەرتتەۋشى عالىم گۇلسىم مۇتىشەۆا: «يتبالىقتارعا ارنالعان ميكروچيپ ولاردىڭ ارقاسىنا نەمەسە باسىنا ەپوكسيد جەلىمىنىڭ كومەگىمەن ورناتىلدى. ول تەڭىز جانۋارىنىڭ دەنساۋلىعىنا ەش زالال كەلتىرمەيدى. سول ارقىلى ءبىز ولاردىڭ تىرشىلىگىن عارىشتان باقىلايمىز. ءورىسىن انىقتايمىز، ەسەبىن الامىز»، – دەيدى.

24.kz ارناسىنىڭ حابارىندا، كەيىنگى 20 جىلدا تەڭىز جانۋارلارىنىڭ ساناعى مۇلدە جۇرگىزىلمەگەنى ايتىلادى. رەسەيلىك عالىمداردىڭ ەسەپتەۋىنشە، بۇگىندە كاسپي تەڭىزىندە 300 مىڭ باس يتبالىق بار كورىنەدى. ونىڭ 100 مىڭدايى قازاقستان اۋماعىندا تىرشىلىك ەتەدى دەگەن بولجام بار.

سوڭعى جاڭالىقتار