10 جەلتوقسان, 10:36 341 0 جاڭالىقتار اسىل تۇمار

جول اپاتى 3,4%-عا كوبەيگەن

ەلىمىزدە بيىلعى 1 قازاندا تىركەلگەن جەڭىل اۆتوكولىكتىڭ سانى 3 755 890 بولدى. بۇل دەرەكتى ستاتيستيكا كوميتەتى جاريالادى.

2019 جىلدىڭ قاڭتار-قازان ايلارى ارالى­عىندا قازاقستاندا 646,7 مىڭ جەڭىل ماشينا تىركەلگەن، ياعني بىلتىرعى جىلدىڭ كورسەتكىشىنەن 7,2%-عا از. ءبىر ايتا كەتەرلىگى، جاڭادان تىركەلگەن كولىك سانى بىلتىر­عىدان از بولعانىمەن، جول اپاتى ءبىر جىلدا 3,4%-عا كوبەيگەن. بيىل­عى توعىز ايدا رەسپۋبليكا بو­يىنشا 11,5 مىڭ جول-كولىك وقي­عاسى تىركەلىپ، 17 مىڭداي ادام زارداپ شەككەن.

اۆتوكولىك سانى جاعىنان ايماقتار بويىنشا الماتى وب­لىسى (588 379) مەن الماتى قا­لاسى (544 187) كوش باستايدى. ەڭ از كورسەتكىش – بقو (140 362) مەن قى­­زىلوردا (145 333) جانە اتىراۋ وب­لىس­­تارىنا (146 157) تيەسىلى. ەل استانا­سى – نۇر-سۇلتان قالاسىندا 293 124 جەڭىل كولىك جۇيتكىپ ءجۇر.

كولىكتىڭ ەسەبى ەستەن جاڭىل­دىرعانداي بولعانىمەن، جىلى­نا كەلگەندە اۋىز تول­تىرا ايتا­ت­ىن­داي جەتىستىك از. 3 755 890 جەڭىل كولىكتىڭ 2 485 161-ءنىڭ تاريحى جيىرما جىلداي بولىپتى. ون جىلدان جيىرما جىل ارالى­عىن­دا مىنىلگەنى –

959 263. سونىمەن قاتار ميلليونعا جۋىق (918 324) ماشينانىڭ جاسى 3 جىل مەن 10 جىل ارالىعىن قامتيدى. شى­عارىل­عانىنا 3 جىل تولماعان اۆتوكولىكتىڭ سانى – 176 661.

ال ەلىمىزدەگى جەڭىل كولىك­تەردىڭ ىشىندە ەڭ كوپ كەزدەسەتىن ماركا – ۆاز/Lada (757 960). ونىڭ ءوزىنىڭ 40%-دان استامى كسرو كەزىنەن بەرى كەلە جاتقان كولىكتەر، ياعني 20 جىلدان اسقان. ودان كەيىن قا­زاق­ستاندىق­تارعا تانىمال ماركا – Toyota (487 453). سونداي-اق تاۋەلسىز­دىكتىڭ العاشقى 10 جىلدىعىن­دا قازاقستانعا كىرىپ ۇلگەرگەن نەمىس ماشينالارى – Volkswagen (297 مىڭ), Audi (224 مىڭ) جانە Mer­cedes-Benz (190 مىڭ) اۆتو­پار­كىمىزدى تولتىرىپ تۇر.

جىلى جاڭا اۆتوكولىكتىڭ دەنى ەلىمىز­دىڭ باتىس ايماعىندا جانە مەگاپوليس نۇر-سۇلتان مەن ال­ماتىدا تىركەلگەن. اتىراۋ وبلى­سىنداعى جەڭىل ماشينالار­دىڭ 23,6% جۇرىلگەنىنە 3 جىلدان اس­پاعان. دەگەنمەن بيىلعى كورسەت­كىش بىلتىرعى­دان (31,1%) تومەن.

ەكىنشى ورىن نۇر-سۇلتاندا، جاڭا كولىكتىڭ ۇلەسى 20,1% ء(بىر جىل بۇرىن – 25,9%). ۇشتىكتى با­تىس قازاقستان وبلىسى ءتۇيىن­دەيدى: 15% (2018 جىلى – 18,1%).

جاڭا كولىك سانى بويىنشا توپ-5-كە الماتى قالاسى (14,8%) مەن ماڭعىستاۋ وبلىسى (13,2%) كىرەدى. ايماقتار ۇلەسىن­دە 3 جىلدان اسپاعان جەڭىل كولىك سانى جونىنەن ەڭ تومەنگى كورسەت­كىش – جامبىل (3,5%), الماتى (4,5%) جانە شىعىس قازاقستان وبلىستارىنا (4,9%) تيەسىلى.

ارينە، نارىقتاعى جان باسى­نا شاق­قان­داعى كولىكتىڭ سانى ەمەس، ساپاسى، ياعني شىققان جى­لى ماڭىزدى. جاڭا اۆتوكولىك بەل­گىلى ءبىر دەڭگەيدە حالىقتىڭ تا­بىسى مەن ەكونوميكالىق احۋا­لىنىڭ كورسەتكىشىن بەرەتىنى انىق. بۇل تۇرعىدا ەۋروپا ەلدە­رىنىڭ كورسەتكىشىنە ءۇڭىلىپ كوردىك. ەڭ جاڭا اۆتوپارك بويىنشا ليۋك­سەمبۋرگ مەملەكەتى الدا كە­لەدى. ول ەلدە اۆتوكولىكتىڭ ورتا­شا جاسى – 6 جىل. ودان كەيىنگى ورىندا بەلگيا (7 جىل) مەن دانيا (8 جىل) تۇر.

جالپى العاندا ەۋروپانىڭ باتىسى مەن شىعىسىندا ايتار­لىقتاي ايىر­ماشى­لىق بار. ءما­سەلەن، ۋكراينا مەن پول­شادا كولىكتىڭ شىققان جىلى بو­يىن­شا كورسەتكىش ليۋكسەمبۋرگتەن 3 ەسە جوعارى. شىعىس ەۋروپانىڭ كەي­بىر مەملەكەتتەرى ءۇشىن تەبىلگەن اۆتوكولىك ءالى دە سۇرانىستا.

aikyn.kz

سوڭعى جاڭالىقتار