9 جەلتوقسان, 20:15 408 0 تۇلعا انار لەپەسوۆا

ەلباسى بيبىگۇل تولەگەنوۆانى مەرەيتويىمەن قۇتتىقتادى

نۇرسۇلتان نازارباەۆ كسرو حالىق ءارتىسى، وپەرا ءانشىسى  بيبىگۇل تولەگەنوۆامەن كەزدەسىپ، 90 جاسقا تولعان مەرەيتويىمەن قۇتتىقتادى. بۇل تۋرالى ەلباسىنىڭ رەسمي سايتى حابارلادى. 

قازاقستاننىڭ تۇڭعىش پرەزيدەنتى وپەرا ءانشىسىنىڭ شىعارماشىلىعىمەن العاش تانىسقان كەزدەگى ەستەلىكتەرمەن ءبولىستى.

ءسىز حالقىمىزدىڭ شىنايى ماحابباتىنا يە بولدىڭىز. سىزگە ۇزاق ءومىر، سارقىلماس قۋات جانە كورەرمەندەردىڭ شەكسىز قوشەمەتىنە بولەنە بەرۋىڭىزدى تىلەيمىن. بىرەر كۇن بۇرىن كەرەمەت كونتسەرتءىڭىز ءوتتى. ادەتتەگىدەي كورەرمەندەردىڭ جوعارى باعاسىنا يە بولدى، - دەدى ەلباسى.

ءوز كەزەگىندە ب.تولەگەنوۆا تۇڭعىش پرەزيدەنت قورىنىڭ قولداۋىمەن وتكەن ۆوكاليستەردىڭ X بايقاۋىنىڭ ناتيجەلەرى تۋرالى ايتتى.

- قامقورلىق تانىتىپ جۇرگەنىڭىزگە ريزامىن. وتاندىق مادەنيەت پەن ونەر سالاسىن دامىتۋعا قولداۋ كورسەتىپ جاتقانىڭىز ءۇشىن العىس بىلدىرەمىن، - دەدى كسرو حالىق ءارتىسى.

سوڭعى جاڭالىقتار