9 جەلتوقسان, 18:21 412 0 ايماق انار لەپەسوۆا

قوستانايدا ەكى ءسابي تىرىدەي جانىپ كەتتى

اۋليەكول اۋدانىندا تۇرعىن ءۇي ورتەنىپ، ەكى بالا كوز جۇمدى.

بۇل تۋرالى قازاقپاراتقا قوستاناي وبلىستىق پوليتسيا دەپارتامەنتىنىڭ ءباسپاسوز حاتشىسى يرينا بەجەنار مالىمدەگەن.

وقيعا بۇگىن اۋدان ورتالىعىنداعى 1 مامىر كوشەسىندەگى جەكە تۇرعىن ۇيدە بولعان. «ءۇي ىشىندە قاراۋسىز قالىپ قويعان 2016 جانە 2018 جىلى تۋعان ەكى بالا جانىپ كەتتى. ۇيدەگى بارلىق توسەك-ورىن، جيھاز ورتەندى. ءورت اۋقىمى 18 شارشى مەتردى قۇرادى»، - دەدى يرينا بەجەنار.

وقيعانىڭ الدىن الا سەبەبى – وتتى ابايسىز قولدانۋ. تۇرعىن ءۇي ءورتى بۇگىن ساعات 12.39-دا تولىعىمەن ءسوندىرىلدى.

 

سوڭعى جاڭالىقتار