9 جەلتوقسان, 15:52 406 0 زاڭ انار لەپەسوۆا

تەست تاپسىرۋشىعا كومەكتەسۋ ءۇشىن 400 مىڭ تەڭگە پارا العان

جەمقورلىقپەن اينالىسقانى ءۇشىن ايىپتالعان شىمكەنت قالالىق ءبىلىم باسقارماسى باسشىسى ورىنباسارىنىڭ مىندەتىن اتقارۋشىعا جازا تاعايىندالدى. 

بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى حابارلادى.

شىمكەنت قالاسىنىڭ سىبايلاس جەمقورلىققا قارسى قىزمەتى بۇدان بۇرىن جەمقورلىق جاسادى دەگەن كۇدىكپەن ۇستالعان شىمكەنت قالالىق ءبىلىم باسقارماسى باسشىسى ورىنباسارىنىڭ مىندەتىن اتقارۋشىسى ج. د. بازاروۆاعا قاتىستى تەرگەۋدى اياقتادى.

"ول ورتا مەكتەپتىڭ ءبىلىم جونىندەگى مەڭگەرۋشىسىنە مەكتەپ ديرەكتورى لاۋازىمىنا تاعايىندالۋ ءۇشىن تەست تاپسىرۋعا جاردەم بەرگەنى ءۇشىن ودان الداپ 400 مىڭ تەڭگە كولەمىندە قاراجاتىن يەمدەنىپ، سەنىمىن تەرىس پايدالانعانى ءۇشىن كۇدىكتى دەپ تانىلعان", - دەلىنگەن اگەنتتىكتىڭ حابارلاماسىندا.

بيىل 6 جەلتوقساندا شىمكەنت قالاسى ەڭبەكشى اۋداندىق سوتىنىڭ ۇكىمىمەن ج. د. بازاروۆا الاياقتىق جاساعانى ءۇشىن كىنالى دەپ تانىلىپ، مەملەكەتتىك قىزمەتتە لاۋازىم اتقارۋعا ءومىر بويىنا قۇقىعىنان ايىرىلىپ، بازاروۆاعا 3 ملن تەڭگە ايىپپۇل سالىندى.

سوڭعى جاڭالىقتار