9 جەلتوقسان, 15:24 354 0 ايماق انار لەپەسوۆا

ەلوردانىڭ 5 اۋماعىندا مۇز قالاشىقتار بوي كوتەرەدى

نۇر-سۇلتان قالاسىنىڭ ءتورت اۋدانىندا مۇز ايدىنى مەن سىرعاناقتار جاسالادى، دەپ حابارلادى ەلوردا ينفو.

بايقوڭىر اۋدانىنداعى مۇز قالاشىقتار «جاستار» سارايىنىڭ، كەمال اتاتۇرك اتىنداعى ساياباقتىڭ الدىنا، اقبيداي مەن كەمەڭگەرۇلى كوشەلەرىنىڭ قيىلىسىنا، ءوندىرىس تۇرعىن الابىنا، سونداي-اق جولىمبەت پەن چەحوۆ كوشەلەرىنىڭ قيىلىسىنا ورنالاسادى.

الماتى اۋدانىندا سىرعاناقتار مەن مۇز ايدىندار «قازاق ەلى» مونۋمەنتىنىڭ الاڭىنا، «جەرۇيىق» ساياباعىنا، اقبۇلاق وزەنىنىڭ اينالاسىنا، «جاستار» ساياباعىنا، وقۋشىلار سارايىنىڭ الدىنا، پرەزيدەنت ساياباعىنا، «رەنەسسانس» مەيرامحاناسىنىڭ جانىنا جانە ترياتلون-پارككە ورناتىلادى.

جۇرتشىلىققا ارنالعان سىرعاناقتار جۇرگەنوۆ كوشەسىندەگى سارايشىق شاعىن اۋدانىنا، تەمىرجولشىلار، ينتەرناتسيونالدى جانە ميچۋرينو تۇرعىن الابىنا سالۋ جوسپارلانىپ وتىر.

ال ەسىل اۋدانىنىڭ تۇرعىندارىنا EXPO, بوتانيكالىق ساياباق، «حان شاتىر»، «كەرۋەن» ساۋدا ويىن ساۋىق ورتالىقتارى اۋماعىنا، «جەتىسۋ» ساياباعىنا، جاعالاۋ شاعىن اۋدانىنا، جاسىل ورامىنا، ۇركەر مەن پريگورودنىي تۇرعىن الابىنا سالىنباق. سارىارقا اۋدانى ءۇشىن ەسىل وزەنىنە، «استانا» سپورت كەشەنىنىڭ جانىنا، قوسشىعۇلۇلى، 17 مەكەنجايىنا، «تامىز» تۇرعىن ءۇي كەشەنىنىڭ جانىنا، «ناز» تەاترىنىڭ ماڭايىنا، وقجەتپەس پەن گەرتسەن كوشەلەرىنىڭ قيىلىسىنا، گەتە جانە 187-ءنشى كوشەلەرگە سالىنادى.

سوڭعى جاڭالىقتار