8 جەلتوقسان, 17:17 402 0 جاھان انار لەپەسوۆا

ماس جۇرگىزۋشى ءبىر توپ وقۋشىنى قاعىپ كەتتى

رەسەيدىڭ نيجني نوۆگورود قالاسىندا جانتۇرشىگەرلىك جول-كولىك وقيعاسى بولدى. اپات كەزىندە كولىكتەردىڭ ءبىرى جاياۋ جۇرگىنشىلەر جولىنا ۇشىپ كەتىپ، بىرنەشە ادامدى قاققان.

توعىز وقۋشى جانە ەكى ەرەسەك ادام زارداپ شەكتى. اۋىر جاراقات العان ايەل اۋرۋحانادا جەتكەن بويدا كوز جۇمدى، دەپ حابارلايدى تاسس.

تەرگەۋ مالىمەتتەرىنە سۇيەنسەك، جۇرگىزۋشى قارسى بەتتەگى قوزعالىس جولاعىن باسىپ ءوتىپ، ءجۇرىپ كەلە جاتقان وزگە كولىكپەن جانە توقتاپ تۇرعان كولىكپەن سوقتىعىسقان. توقتاپ تۇرعان كولىك قاتتى سوققىدان جاياۋ جۇرگىنشىلەر جولىنا ۇشىپ كەتىپ، وقۋشىلاردى قاققان. جاسوسپىرىمدەر ءبىر توپ بولىپ تەاترعا بارا جاتقان كورىنەدى.

ايماقتىق تەرگەۋ كوميتەتىنىڭ حابارلاۋىنشا، جول-كولىك وقيعاسىنا كىنالى جۇرگىزۋشىنى تەكسەرۋ كەزىندە قانىنان الكوگول انىقتالعان. ونىڭ ۇستىنەن رف قىلمىستىق كودەكسىنىڭ 264-بابىنىڭ 4-ءبولىمى بويىنشا قىلمىستىق ءىس قوزعالدى.

سوڭعى جاڭالىقتار