8 جەلتوقسان, 09:26 458 0 رۋحانيات انار لەپەسوۆا

جىرشى-تەرمەشىلەر ەلوردادا باس قوستى

تاۋەلسىزدىك قۇنى قارساڭىندا ەلىمىزدىڭ جىرشى-تەرمەشىلەرى ەلوردادا باس قوستى. 

ونەر يەلەرى قالا تۇرعىندارى مەن قوناقتارىنا جىردان شاشۋ شاشىپ، ۇلتتىق ونەرىمىزدى ۇلىقتادى، دەپ حابارلايدى دەپ حابارلايدى «حابار 24».

بۇل جولعى كەش كۇمىس كومەي، جەز تاڭداي جىرشى-تەرمەشىلەردىڭ ونەرىن تاماشالاۋمەن عانا ەمەس، سول جىردىڭ شىعۋ تاريحىنا قاتىستى كورسەتىلگەن قويىلىمدارمەن ەرەكشەلەندى. «جىر امانات» كونتسەرت-سپەكتاكلىندە ونەر كورسەتۋگە ەلىمىزدىڭ بارلىق جىر مەكتەبىنىڭ وكىلدەرى كەلگەن. ولاردىڭ ارقايسى ءوز ايماعىنا ءتان ماقامدا جىر تولعاپ، ءتول ونەرگە سۋسىنداعان كورەرمەننىڭ قۇلاق قۇرىشىن قاندىردى. زاماناۋي فورماتتاعى كونتسەرت-سپەكتاكلدى وتكىزۋگە ەلوردا اكىمدىگى ۇيىتقى بولدى. ال «نۇر-وتان» پارتياسى قولداۋ بىلدىرگەن. ۇيىمداستىرۋشىلاردىڭ ايتۋىنشا، ەلوردادا باستاۋ العان جىر كەشى ەلىمىزدىڭ وزگە وڭىرلەرىندە دە وتكىزىلمەك.

– جاس بۋىننىڭ بار بولعاندىعىنان بۇل ونەر بۇگىنگە دەيىن جالعاسىن تاۋىپ كەلە جاتىر. بۇگىندە ءبىزدىڭ اعا بۋىن، ورتا بۋىن، قازىرگى جاس بۋىن وكىلدەرى بار. وسى كونتسەرت-سپەكتالدە كىشكەنتاي 11 جاسار اراي وڭعارقىزى ءوزىنىڭ ونەرىن كورسەتەدى. كونتسەرت-سپەكتاكل بالانىڭ ونەرىمەن اياقتالادى. ءبىزدىڭ ماقساتىمىز – وسى كونتسەرت ارقىلى جىرلاۋلىق ونەردىڭ وشپەگەندىگىن، ونىڭ ماڭگى ەكەندىگىن جانە ونىڭ ءارى قاراي جالعاسى بار ەكەندىگىن كورسەتۋ، - دەيدى  قازاقستاننىڭ ەڭبەك سىڭىرگەن قايراتكەرى، جىرشى ۇلجان بايبوسىنوۆا.

سوڭعى جاڭالىقتار