6 جەلتوقسان, 18:48 886 0 جاڭالىقتار اسىل تۇمار

قىتايداعى قۇپيا لاگەردە نە بولىپ جاتىر؟

جۋىردا اقش كونگرەسمەندەرى قىتايداعى مۇسىلماندار مەن ەتنيكالىق ۇلتتارعا قاتىستى ساياساتىن ايىپتايتىن زاڭ جوباسىن تالقىلادى.

قىتاي بيلىگى اقش كونگرەسمەندەرى قىتايدىڭ ىشكى ماسەلەسىنە ارالاستى دەپ سانايدى. شىڭجاڭ پروۆينتسياسىندا مۇسىلمانداردى «قايتا تاربيەلەۋ» لاگەرلەرى بار قىتاي ساياساتىن بۇرمالادى دەپ ايىپتايدى.

وسىدان سوڭ ۆۆس اگەنتتىگىنىڭ ءتىلشىسى دجون سادۋورت «قىتاي لاگەرلەرىندە مۇسىلمانداردى قالاي تاربيەلەيدى؟» دەپ زەرتتەۋ جۇرگىزگەن.

ۆۆس اگەنتتىگىنىڭ ءتىلشىسى دجون سادۋورت قىتايداعى «قايتا تاربيەلەۋ» لاگەرلەرىنە بارعانىمەن، ول جەردى فوتو، ۆيدەوعا ءتۇسىرۋ مۇمكىن بولماعانىن ايتادى. تەك رەسمي رۇقسات ەتىلگەن باسشىلاردىڭ پىكىرىن الۋعا عانا مۇمكىن بولعان.

ۆۆس اگەنتتىگىنىڭ ءتىلشىسى دجون سادۋورتتىڭ ماقالاسىندا قىتايداعى ۇيعىرلارعا قانداي تىيىمدار سالىنعانىن ايتادى.

شىڭجاڭداعى مۇسىلماندار قۇقىعىنىڭ بۇزىلۋى امەريكالىق زاڭ جوباسىندا ەگجەي-تەگجەيلى سيپاتتالعان، ولاردىڭ ىشىندە:

  • بەينە جانە ەلەكتروندى قۇرالداردىڭ كومەگىمەن كەشەندى باقىلاۋ;
  • بالالاردان دنق جيناۋ;
  • پروۆينتسياداعى ادامدار قانشالىقتى ءجيى ناماز وقيتىنى جانە قايدا باراتىندىعى تۋرالى اقپارات جيناۋ ءۇشىن بەتتى جانە داۋىستى تانۋ باعدارلامالارىن زاڭسىز پايدالانۋ.

ال رەسمي قىتايدىڭ بيلىگى، ونىڭ ىشىندە، سىرتقى ىستەر مينيسترلىگى «ۇكىمەتتىڭ شىڭجاڭداعى ناتيجەلى جۇمىسىنىڭ ارقاسىندا كەيىنگى ءۇش جىلدا بىردە-ءبىر لاڭكەستىك وقيعا بولعان جوق»، – دەيدى.

ءتىلشىنىڭ زەرتتەۋىنشە، لاگەرلەردە قۇقىقتىق پاندەردى، ەڭبەك داعدىلارىن جانە قىتاي ءتىلىن ۇيرەتۋ ارقىلى ەكسترەميزممەن كۇرەسەمىز كورسەتىلەدى ەكەن.

بي-بي-سي اگەنتتىگى قىتايداعى «قايتا تاربيەلەۋ» لاگەرلەرى تۋرالى حابار تاراتقاننان كەيىن، لوندونداعى قىتاي ەلشىسى وزدەرىنە تاعىلعان ايىپتاردى جوققا شىعارىپ، بۇل حاباردى جالعان دەپ مالىمدەدى.

سوڭعى جاڭالىقتار