6 جەلتوقسان, 15:09 465 0 جاڭالىقتار اسىل تۇمار

نۇر-سۇلتان اۋەجايىندا 3 ينسپەكتور جارالاندى

Facebook قولدانۋشىسى نۇر-سۇلتان اۋە جايىندا وق اتىلىپ، ادامدار جارالانعانى تۋرالى جازعان. جەلىدە 3 جەلتوقسان كۇنى نۇر-سۇلتان اۋەجايىنىڭ ءورت، اپاتتى-قۇتقارۋ قىزمەتىنىڭ عيماراتىندا قارۋ تەكسەرۋ كەزىندە مىلتىق وزدىگىنەن اتىلىپ، ءۇش ينسپەكتور دەنەسىنىڭ تومەنگى بولىگىنەن جارالانعانى تۋرالى اقپارات تاراپ كەتتى.

پوليتسيا دەپارتامەنتى بۇل وقيعا بويىنشا تەرگەۋ جۇمىستارىن باستاعانىن مالىمدەدى.

«فاكتى نۇر-سۇلتان اۋەجايىنا قارايتىن پوليتسيا بولىمشەسىنىڭ سوتقا دەيىنگى تەرگەۋدىڭ بىرىڭعاي رەەسترىنە قىلمىستىق كودەكستىڭ 114 بابىنىڭ 3 تارماعى بويىنشا تىركەلگەن. ءىستىڭ ءمان-جايىن تەكسەرىپ جاتىرمىز»، – دەدى دەپارتامەنتتىڭ ءباسپاسوز قىزمەتى.

اۋەجايدىڭ سايتىندا ءورت، اپاتتى-قۇتقارۋ قىزمەتى ۇشاقتاردىڭ ۇشىپ-قونۋى كەزىندە اەرودروم اۋماعىندا ءورت قاۋىپسىزدىگىن، اپاتتى-قۇتقارۋ وپەراتسيالارىن جۇرگىزۋدى قامتاماسىز ەتىپ، توتەنشە جاعداي كەزىندە كومەك كورسەتۋمەن اينالىسادى.

سوڭعى جاڭالىقتار