6 جەلتوقسان, 14:15 512 0 جاڭالىقتار اسىل تۇمار

مارقۇمدى "تىرىلتكەن" اۋرۋحانا

نۇر-سۇلتاندا دارىگەرلەر قايتىس بولعان ناۋقاستى ء"تىرى" دەپ حاتتاما تولتىرعان.

ءتورت جىلدان بەرى ادىلدىك ىزدەپ جۇرگەن شۋحرات تادجيددينوۆتىڭ ايتۋىنشا، قالالىق اۋرۋحانانىڭ بىرىنە اسقازانى اۋىرىپ، اۋىر حالدە تۇسكەن اجەسىنە دارىگەرلەر اراشا بولا الماعان. سوڭىنان ناۋقاستى ۇيىنە ءتىرى كۇيىندە جىبەردىك دەپ حاتتاما تولتىرعان. "استانا" ارناسىنىڭ حابارلاۋىنشا، شۋحرات اۋرۋحانادان اجەسىنىڭ مۇردەسىن الىپ شىققان.

"دارىگەرلەر ونىڭ مەديتسينالىق كارتاسىن دا وزگەرتىپتى. "ونكولوگيالىق اۋرۋى بولعان" دەپ جازىپتى. ونداي بولعان ەمەس. مەديتسينالىق ساراپتاما جاساپ كورسە بولادى. وسى جاعداي بويىنشا تالاي رەت سوتقا ارىز جازدىم. بىراق، ءىستى جىلى جاۋىپ قويا بەرەدى", – دەيدى شۋحرات تادجيددينوۆ.

نۇر-سۇلتان قالاسىنىڭ تۇرعىنى Nur Otan پارتياسىنىڭ قوعامدىق قابىلداۋىنا كەلىپ ىشكى ىستەر مينيسترىنەن كومەك سۇرادى. مينيستر تەكسەرۋ ماسەلەسىن ءوز باقىلاۋىنا الاتىن بولدى.

سوڭعى جاڭالىقتار