5 جەلتوقسان, 19:04 2106 0 جاڭالىقتار اسىل تۇمار

شاش بوياۋ قاتەرلى ىسىك قاۋپىن ارتتىرادى

امەريكالىق عالىمدار ءسۇت بەزى قاتەرلى ىسىگىن الدىن الۋ ءۇشىن حيميالىق زاتتاردان اۋلاق بولۋعا كەڭەس بەرەدى. ويتكەنى شاش بوياۋ، ونى حيميالىق جولمەن تۇزەتۋ ءسۇت بەزى قاتەرلى ىسىگى قاۋپىن ارتتىرادى. اقش ساراپشىلارىنىڭ بۇل زەرتتەۋ قورىتىندىسى International Journal of Cancer جۋرنالىندا جاريالانعانىن جازدى ريا نوۆوستي.

شەتەلدىك ماماندار 49 709 ايەلدىڭ دەنساۋلىعىنا زەرتتەۋ جۇرگىزگەن. ناتيجەسىندە شاش بويايتىن ايەلدەردىڭ ءسۇت بەزى قاتەرلى ىسىگىنە شالدىعۋ قاۋپى شاشىن بويامايتىن ايەلدەردەن 9 پايىزعا كوپ ەكەنى انىقتالعان. بۇل ورايدا عالىمدار قۇرامىندا كانتسەروگەندەر مەن ەندوكرين جۇيەسىن بۇزاتىن حيميالىق قوسپالار بار بوياۋلار جايلى ايتۋدا. شاش ءتۇسىن ۋاقىتشا وزگەرتەتىن بوياۋلاردىڭ ەشقانداي قاۋپى جوق. سونداي-اق، شاشتى حيميالىق جولمەن تۇزۋلەۋ دە ءسۇت بەزى قاتەرلى ىسىگىن ارتتىرادى. زەرتتەۋ قورىتىندىسىنا ساي، مۇنداي ءادىستى 5-6 اپتا قولدانعان ايەلدەردىڭ ونكولوگيالىق اۋرۋلارعا شالدىعۋ كورسەتكىشى 30 پايىزعا كوپ بولىپ شىققان.

سوڭعى جاڭالىقتار