5 جەلتوقسان 2019, 10:26 708 0 تەحنولوگيالار Túrkistan Gazeti

ەرەكشە ادامدارعا ارنالعان مۇمكىندىك

الەمدىك نارىقتا IT تەحنولوگيا ەرەكشە ماڭىزعا يە بولىپ وتىر. ءبىزدىڭ ەلىمىزدىڭ دە ستراتەگيالىق باعىتىنا اينالعان «تسيفرلى قازاقستان» جوباسى ىسكە قوسىلدى. قازىر اقپارات سالاسىن مەڭگەرگەن بىلىكتى ماماندارعا دەگەن سۇرانىس ارتتى.

نۇر-سۇلتان قالاسىندا Iت تەحنولوگيا سالاسىنداعى ءبىلىمدى تاراتۋ  ماقساتىندا «تەڭدەي IT مۇمكىنشىلىكتەر الەمى» دەگەن اتپەن ITeachMe ينكليۋزيۆتى جوباسى ءوتتى. جوبانىڭ ماقساتى – IT سالاسىندا داعدىسى قالىپتاسقان مۇمكىندىگى شەكتەۋلى جانداردى وقىتۋ ارقىلى جۇمىسقا ورنالاستىرۋ.

جوبا جەتەكشىسى زاحيرا بەگاليەۆا سۇرانىسى ەرەكشە جانداردىڭ ومىرگە قىزىعۋشىلىعى مىقتى بولۋى كەرەك دەپ سانايدى. «مۇمكىندىگى شەكتەۋلى جاندارعا ماسەلەمدى بىرەۋ كەلىپ شەشىپ بەرەدى دەپ كۇتۋدىڭ قاجەتى جوق، كەرىسىنشە مۇگەدەكتىگى جوق جاندارمەن تەڭ دارەجەدە باسەكەگە قابىلەتتى بولۋعا تىرىسۋ كەرەك. جوبا بارىسىندا قاتىسۋشىلار ءوز يدەياسىن ونىمگە اينالدىرۋدىڭ جولدارىن مەڭگەرەدى. سونىمەن قاتار ءوز كوزقاراسىن دالەلدەۋگە، قيىندىقتان قورىقپاۋعا ۇيرەنەدى. IT سالاسىندا وزگەلەر سەكىلدى تەڭ قۇقىقتى بولا وتىرىپ، بارلىعى بىلە بەرمەيتىن تىڭ اقپاراتتارمەن قانىعادى، جۇمىس بەرۋشىلەرمەن تىكەلەي كەزدەسە الادى»، – دەپ اتاپ ءوتتى جوبا جەتەكشىسى زاحيرا بەگاليەۆا.

ەلىمىز بويىنشا مۇمكىندىگى شەكتەۋلى جاندار اراسىندا IT ماماندارى وتە از. العاشىندا ۇيىمداستىرۋشىلار ءۇشىن بارلىق ايماقتان تالانتتاردى ىزدەپ تابۋ ءبىرشاما قيىندىق تۋدىرعان. ۇيىمداستىرۋشىلار وسىعان دەيىن  ITeachMe ينكليۋزيۆتى جوباسىن پەتروپاۆل، اقتاۋ، اتىراۋ، الماتى قالالارىندا وتكىزگەن. اتالعان جوباعا وسىعان دەيىن 18-35 جاس ارالىعىنداعى 500-دەن استام ادامنان ءوتىنىش كەلىپ تۇسكەن.

بۇگىندە مۇمكىندىگى شەكتەۋلى جاندارعا ارنالىپ ۇيىمداستىرىلىپ جاتقان كۋرس، ترەنينگ، سەمينار  كوپ. كوبىسى تەك ءبىلىم بەرىپ قانا قويادى، تاجىريبەدە قولدانۋدى ۇيرەتپەيدى. ال ITeachMe ينكليۋزيۆتى جوباسى قاتىسۋشىلارعا ءبىلىم بەرە وتىرىپ، سول ساتتە-اق تاجىريبەدە قولدانۋدىڭ، ياعني يدەيانى دايىن ءونىم رەتىندە ينۆەستورلارعا ۇسىنۋدىڭ تەتىكتەرىن كورسەتەدى.

جوبانىڭ ءبىرىنشى كەزەڭى قاراشا ايىندا اياقتالادى. وسىعان دەيىنگى حاكاتوندا قارجىلاي قولداۋعا يە بولعان 7 ۇمىتكەر بار. سولاردىڭ ءبىرى –  ASAR ءموبيلدى قوسىمشاسىن قولدانىسقا ەنگىزگەن الماتى قالاسىنىڭ تۇرعىنى زايتۋنا حۋساينوۆا. «مەن – مۇمكىندىگى شەكتەۋلى جاننىڭ ءبىرىمىن. ءبىر جولى مەنىڭ قاتتى ىستىعىم كوتەرىلىپ، جاتىپ قالدىم. سول ساتتە جانىمدا ماعان ورنىمنان تۇرىپ ءدارى ىشۋگە كومەكتەسەتىن ءتىرى جان بولمادى. سونىمەن قاتار بىلتىر باق بەتتەرىندە ەكى مۇگەدەك ادام ۇيدەن شىعا الماي، بالكونعا شىعىپ ەلدەن تاماق ساتىپ الىپ بەرۋىن سۇراپ ايعايلاعانى تۋرالى جازىلدى. كەي جاعدايلاردا ادامدار جالعىز قالىپ، شىنىندا دا كومەككە ءزارۋ بولادى. ءبىز قوعامداعى وسى ماسەلەنىڭ شەشىمىن تاپتىق»، – دەيدى ۇمىتكەر.

ASAR ءموبيلدى قوسىمشاسى ارقىلى ەرىكتىلەر كىمگە قانداي كومەك قاجەت ەكەنىن كورە الادى. قوسىمشانى مۇمكىندىگى شەكتەۋلى جانداردان بولەك كومەكتەسەتىن ەشكىمى جوق ادامدار دا قولدانا الادى. سونىمەن قاتار، اتالعان جوبانىڭ قازاقستاندا بالاماسى جوق ەكەنىن دە ايتا كەتۋىمىز كەرەك. وسىلايشا قاتىسۋشىلار جاڭا تەحنولوگيالار ارقىلى حالىقتىڭ الەۋمەتتىك تۇرعىدان وسال توپتارىنىڭ ءومىرىن جەڭىلدەتۋگە اتسالىسىپ جاتىر. بۇل ءوز كەزەگىندە قوعامنىڭ مۇمكىندىگى شەكتەۋلى جاندارعا دەگەن كوزقاراسىن وزگەرتىپ، تولەرانتتى قارىم-قاتىناس قۇرۋعا باعىتتايدى.

«جاستار جىلى» اياسىندا قولعا الىنعان جوبا بۇگىندە ەل اۋماعىنان بولەك، شەتەلگە تانىلا باستادى. جوبا ۇيىمداستىرۋشىلارى وزبەكستان جانە ءازىربايجان ەلىنەن تاجىريبە الماسۋعا ۇسىنىس الىپ ۇلگەرگەن. الداعى 2020 جىلدىڭ قاڭتار ايىندا ۇمىتكەرلەر باق سىناپ، جەڭىمپاز انىقتالماق. جوبا قورىتىندىسى بويىنشا جەڭىمپاز IT سالاسى بويىنشا ءبىلىم الىپ، ءوز جوباسىن جۇزەگە اسىرۋعا 1 ملن تەڭگە كولەمىندە قارجىعا يە
بولادى.

ارايلىم جولداسبەكقىزى

 

سوڭعى جاڭالىقتار