4 جەلتوقسان, 19:41 349 0 جاڭالىقتار اسىل تۇمار

«كۇلشە قىز» بالەتىنىڭ پرەمەراسى

"استانا بالەت" تەاترىندا جەلتوقساننىڭ 20, 21 مەن 22 كۇندەرى شارل پەررونىڭ وسى اتتاس ەرتەگىسىنىڭ جەلىسىمەن، دارىندى حورەوگراف نادەجدا كالينينا قويعان ەكى كورىنىستى "كۇلشە قىز" بالەتىنىڭ تۇساۋى كەسىلمەك.

ەلىمىزدە بۇل ەرتەگى بالەت ساحناسىندا العاش رەت قويىلىپ وتىر. سەرگەي پروكوفەۆتىڭ عاجايىپ مۋزىكاسىن قويۋشى-ديريجەر ارمان ورازعاليەۆ باسقاراتىن وركەستر ورىنداپ شىعادى. دەكوراتسيا مەن كوستيۋم سۋرەتشىسى – تانىمال ستسەنوگراف سەرگەي نوۆيكوۆ.

پرەمەراعا دايىندىق ەكى اي بۇرىن باستالعان. حورەوگراف نادەجدا كالينينانىڭ ايتۋىنشا، "كۇلشە قىز" – شىعارماشىلىق جولىنداعى ەڭ كۇردەلى جوبالارىنىڭ ءبىرى.

– بۇل العاش قويىلىپ جاتقان دۇنيە. حورەوگرافيا، دەكوراتسيا، كوستيۋمدەر، بەينە كونتەنت – ءبارى جاڭادان جاسالىپ، "استانا بالەت" ءۇشىن ارنايى دايىنداپ جاتىرمىز. ماقساتىمىز – وتباسىڭىزبەن بىرگە كورەتىن، زاماناۋي ستيلدەگى، تارتىمدى كەيىپكەرلەرى كوپ، جارقىن قويىلىم جاساۋ. بالەتتە كومەديا جانرى مۇلدەم سيرەك قولدانىلادى، ويتكەنى، ساحنادا تەنتەكتىڭ كەيىپىن سومداۋ، كۇلدىرە ءبىلۋ وڭاي دۇنيە ەمەس. ول ءۇشىن بەلگىلى ءبىر دەڭگەيدە ىشكى بوستاندىق قاجەت، – دەيدى بالەتمەيستەر.

قويىلىم جەلتوقساننىڭ 20, 21, 22 كۇندەرى، ساعات 18:00 باستالادى. پرەمەرا بيلەتتەرى ءبىر اي بۇرىن ساتىلىپ كەتكەن.

سوڭعى جاڭالىقتار