4 جەلتوقسان, 14:33 353 0 جاڭالىقتار اسىل تۇمار

ەرجان ماكسيم ورالدا قاشان كونتسەرت بەرەدى؟

تۋعان جەرىنە ورالعان دارىندى تالانت ەرجان ماكسيم باتىس قازاقستان وبلىسىنىڭ اكىمى عالي ەسقاليەۆپەن كەزدەستى.

اكىم جاس ءانشىنى "ەۆروۆيدەني-2019" بالالار بايقاۋىنداعى جۇلدەلى ەكىنشى ورنىمەن قۇتتىقتادى:

"سەن ءبىز ءۇشىن جەڭىمپازسىڭ! ەلىمىزدىڭ ماقتانىشىسىڭ! بايقاۋداعى ونەرىڭە كۇللى الەمدى ءتانتى ەتتىڭ! الار اسۋىڭ ءالى الدا! ساتتىلىك جولداسىڭ بولسىن!".

قازىرگى ۋاقىتتا ەرجان ماكسيم يگور كرۋتوي اكادەمياسىنداعى وقۋىن جالعاستىرىپ، يتاليان ءتىلىن مەڭگەرۋدى جوسپارلاپ جۇرگەنىن ايتتى.

"ەۆروۆيدەني-2019" بايقاۋىندا كوپ حالىقتىڭ الدىندا ءان شىرقاۋ قيىن بولدى، قاتتى قوبالجىدىم. وندا نەگىزىنەن ورىس جانە پولياك تىلىندە ءتىل تابىسىپ ءجۇردىم. نەگىزىنەن ءارتۇرلى تىلدە ءان تىڭدايمىن، قازىر يتاليان ءتىلىن ۇيرەنگىم كەلىپ ءجۇر", – دەيدى جاس ءانشى.

سونداي-اق، ەرجاننىڭ اناسى ورال قالاسىندا ۇلىنىڭ ۇلكەن كونتسەرتىن بەرۋدى جوسپارلاپ وتىرعانىن جەتكىزدى.

"ەرجاننىڭ باس قالادا كونتسەرتى ءوتتى. قازىرگى ۋاقىتتا تىڭدارمان قاۋىم تاعى ءبىر كەش بەرۋىمىزدى سۇراپ ءجۇر، ءبىز ونى ورالدا قالا كۇنى قارساڭىندا ۇيىمداستىرۋدى ويلاستىرۋدامىز", – دەيدى اناسى.

سوڭعى جاڭالىقتار