4 جەلتوقسان, 12:07 450 0 قاۋىپسىزدىك انار لەپەسوۆا

الماتى: جىل باسىنان بەرى جول اپاتىنان 470 ادام كوز جۇمدى

جىل باسىنان بەرى الماتى وبلىسىندا 2170 جول-كولىك اپاتى بولدى. سونىڭ سالدارىنان 470 ادام قازا تاۋىپ، 3 مىڭنان اسا جولاۋشى ءارتۇرلى دەنە جاراقاتىن العان.

وتكەن جىلمەن سالىستىرعاندا وڭىردە كولىك قاقتىعىسى 5, ال ءولىم-ءجىتىم كورسەتكىشى 30 پروتسەنتكە كوبەيىپ وتىر، دەپ حابارلايدى 24.kz.

تالداۋ قورىتىندىلارىنا سايكەس، قايعىلى جاعدايلاردىڭ باسىم بولىگى جۇرگىزۋشىلەردىڭ كىناسىنەن بولادى ەكەن. ياعني تەمىر تۇلپار تىزگىندەگەندەردىڭ  90 پايىزى جىلدامدىقتى شامادان تىس اسىراتىن كورىنەدى. قالعانىنا جاياۋ جۇرگىنشىلەردىڭ جاۋاپسىزدىعى سەبەپ. جول كولىك وقيعالارىنىڭ سانىن ازايتۋ ماقساتىندا وبلىستىق پد قىزمەتكەرلەرى قاۋىپتى ايماقتاردى ۇدايى باقىلاۋعا العان. سونىمەن قاتار ءارتۇرلى الدىن الۋ شارالارىن وتكىزىپ كەلەدى.

–  جول كولىك وقيعالارىنىڭ 4,8 پايىزى ادام قاعۋ وقيعالارى بولادى ەكەن.  جول كولىك وقيعالارىنىڭ الدىن-الۋ ماقساتىندا رەسپۋبليكالىق جولدارعا، مەكتەپتەردىڭ جانىنا ماكەت قويىپ جاتىرمىز. سونىمەن قاتار پوليتسيا قىزمەتكەرلەرىنىڭ ماكەتىن قويىپ جاتىرمىز. قوعامدىق كولىكتەرگە قاتىستى «اۆتوبۋس»، «ابايلاڭىز بالالار»، «قاۋىپسىز جول» شارالارى وتكىزىلىپ جاتادى. جولدىڭ ۇستىنە جول بەلگىلەرىن سالىپ جاتىرمىز. ونىمەن قاتار شۋموۆايا پولوسا قويىپ جاتىرمىز. ءبىز وسى جىلدىڭ باسىنان 30- گە جۋىق بيلبورد قويىلدى، - دەپ حابارلايدى  وبلىستىق پد ءاپب باسشىسى داۋلەت مولداحانوۆ.

سوڭعى جاڭالىقتار