4 جەلتوقسان, 07:50 460 0 زاڭ انار لەپەسوۆا

ءوزىن سۋديامىن دەپ جاريالاعان الماتىلىق ايەل جالعان شەشىمدەر شىعارىپ كەلگەن

الماتىدا "ادىلەت" حالىقارالىق اربيتراج سوتىن" قۇرعان ايەل ۇزاق ۋاقىت بويى الاياقتىقپەن اينالىسىپ، كوپشىلىكتى الداپ كەلگەن. بۇل تۋرالى قالالىق پروكۋراتۋرا حابارلادى. 

ايەل ءوزىن سۋديامىن دەپ جاريالاپ، قازاقستان رەسپۋبليكاسىنىڭ اكىمشىلىك، قىلمىستىق جانە ازاماتتىق ىستەر بويىنشا شەشىم شىعارىپ، ونى سوت بلانكىسىمەن راسىمدەپ وتىرعان.

"زاڭسىز سوت اكتىلەرى ارقىلى ول ازاماتتاردى جۇرگىزۋ كۋالىكتەرىنەن ايىرعان، ولاردان اقشا العان، سونىمەن بىرگە تۇرمەدە وتىرعان ادامداردى بوساتۋعا تىرىسقان", - دەلىنگەن پروكۋراتۋرا مالىمدەمەسىندە.

"سۋديانىڭ" جالعان ارەكەتىن قالاي انىقتانىن تەرگەۋشىلەر اشىق ايتپايدى. بىراق ول قۇرعان بىرلەستىك جابىلعانىن، وعان قاتىستى قىلمىستىق ءىس قوزعالعانىن مالىمدەدى.

سوڭعى جاڭالىقتار