3 جەلتوقسان, 19:20 367 0 قاۋىپسىزدىك انار لەپەسوۆا

جازعى دوڭگەلەكپەن جۇرگەندەر جازالانادى

1 جەلتوقساننان باستاپ جول پوليتسياسى جازعى دوڭگەلەكپەن جۇرگەن جۇرگىزۋشىلەردى جازالاۋدى قولعا الدى. كولىگىنىڭ دوڭگەلەگىن اۋىستىرىپ ۇلگەرمەگەندەر ايىپپۇل ارقالايدى. 

الماتى قالاسى ءىىد اكىمشىلىك پولي­تسياسى باسقارماسى ماماندارىنىڭ ايتۋىنشا، مۇنداي كولىك جولداردا قاۋىپتى عانا ەمەس، سونىمەن قاتار تەحنيكالىق رەگلامەنتتەر مەن ۇلتتىق ستاندارتتاردىڭ تالاپتارىن بۇزادى. جازالاۋدى بولدىرماۋ ءۇشىن جۇرگىزۋشىلەرگە اۆتوكولىك دوڭگەلەگىن ارنايى بەلگىلەرمەن جابدىقتاۋ ۇسىنىلادى.

بارلىق اۆتوكولىكتەردىڭ جابدىقتالۋ كەرەك ەكەندىگى تۋرالى كەدەن وداعىنىڭ «دوڭگەلەكتى كولىك قۇرالدارىنىڭ قاۋىپسىزدىگى تۋرالى» تەحنيكالىق رەگلامەنتىندە ايتىلعان.

جازعى دوڭگەلەكپەن قىستا جۇرگەنى ءۇشىن جۇرگىزۋشىلەرگە بەس ايلىق ەسەپتىك كورسەتكىش كولەمىندە ايىپپۇل سالىنادى. ياعني، قاۋىپسىزدىك تالاپتارىن ورىنداماعاندار  12 625 تەڭگە تولەۋگە مىندەتتەلەدى.

سوڭعى جاڭالىقتار