3 جەلتوقسان, 13:16 448 0 زاڭ انار لەپەسوۆا

بۇدان بىلاي قۇجاتتارعا قوسارلانعان ەسىم جازۋعا تىيىم سالىنبايدى

ەلىمىزدە قۇجاتتارعا قوسارلانعان ەسىم جازۋعا رۇقسات بەرىلدى، دەپ حابارلايدى قازاقپارات. 

بۇل تۋرالى قر پارلامەنتى ءماجىلىسىنىڭ دەپۋتاتى مايرا ايسينا ايتىپ بەردى.

جاڭا وزگەرىستەر «قر كەيبىر زاڭنامالىق اكتىلەرىنە مەملەكەتتىك قىزمەتتەر كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىندا كورسەتىلگەن. «قوسارلانعان ەسىم بەرۋ ماسەلەسى قازاقستاندىقتار اراسىندا تۇسىنىسپەۋشىلىك تۋعىزىپ وتىر. ياعني، بالا قۇجاتىنداعى اكەسىنىڭ قوسارلانعان ەسىمى بويىنشا تۇزەتۋ ەنگىزىلىپ وتىر. بۇعان دەيىن اكەنىڭ اتى تەك بىرگە جازىلاتىن نەمەسە قوسارلانعان ەسىمنىڭ بىرەۋى عانا بەرىلەتىن. ياعني، اكەسىنىڭ اتى اسان-ءالى بولىپ، دەفيسپەن جازىلسا، بالا قۇجاتىندا اسانۇلى نەمەسە ءاليۇلى نە بولماسا دەفيسسىز ءاسانالىۇلى بولىپ بىرگە جازىلاتىن. زاڭ جوباسىندا بۇل ماسەلە قارالدى جانە دەفيسپەن جازۋعا رۇقسات بەرىلدى»، - دەدى مايرا ايسينا قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.

2019 جىلدىڭ 7 قاراشاسىندا پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەتتەر كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى قابىلداندى. زاڭ جوباسى قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىن جەتىلدىرۋ ماقساتىندا ازىرلەندى.

 

سوڭعى جاڭالىقتار